wasabi手撕雞

星期三同小魔怪出街食咗碟wasabi手撕雞，

第一次食味道又幾特別喎，

一於自己整嚟食先得；

今次買住雞髀肉嚟整，

下次要買隻全雞嚟整呀!

材料: 雞髀肉2塊、青瓜1條、炒香芝麻適量、花生

醃料: 鹽2茶匙、紹酒半湯匙、薑2片(拍碎後揸汁)

做法: 雞髀解凍後用廚紙索乾水份，落醃料醃4小時或以上；

從雪櫃取出放室溫1小時，放入熱水鑊內蒸15分鐘，待涼拆絲；

青瓜洗淨刨去部份皮後切絲放入大碗內，

加雞絲、wasabi和碟內蒸雞汁1湯匙，將所有材料撈勻，

最後灑上炒香芝麻和花生便成。

~wasabi份量要自己調較，最理想係用手撈勻，

咁就唔會撈得唔勻啦!

~其實我覺得雞皮都好好食，我剪咗少少落去，

不過就俾小魔怪揀哂嚟食囉!

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page