咖哩薯仔炆雞球

我哋成家都鐘意用咖哩汁嚟撈飯，

所以每次煮親咖哩，

我都煮要多少少咖哩汁架，

唔好講笑，

呢餐肯定要添飯呀!

氣炸蜜汁叉燒兩食

前兩日去咗天盛街市買冰鮮梅頭肉，

買咗1斤七兩，

$100都唔使仲有95折添呀!

用嚟整蜜汁叉燒就最正啦!

總共醃咗4件叉燒，

留起一件叉燒嚟炒飯呀!

節瓜清補涼豬腱湯

近日老公行商場，

見到藥材舖有特價清補涼賣$10包，

佢又買咗2包返嚟喇!

今日我買咗節瓜和豬腱，

煲咗節瓜清補涼豬腱湯；

除以上材料外，

我仲加咗蜜棗、瑤柱和圓肉呀!

秋遊~大潭水塘

今朝我一起身，

老公突然話要去秋遊，

目的地係大潭水塘!

我哋由天水圍出發，

 

坐屯馬線去南昌站，

轉乘東涌線去香港站，

再轉乘港島線去西灣河站，

跟住搭新巴14號去大潭郊野公園站落車，

過對面馬路就係大潭水塘喇!

生炒臘味糯米飯

 

屋企仲有少少糯米係度，

再唔食就會出穀牛架啦!

襯今日小魔怪WFH，

等我炒碟生炒臘味糯米飯，

消滅D糯米先得。

孜然雞翼配薯角

記得呢樽大漠孜然風味醬係買孖裝豉油送嘅，

今日終於用哂啦!

我得閒都要去超市睇下，

買豉油仲有冇得送先得。

嘻嘻，

我覺得自己好慳家呀!

肉片蝦仁炒越南河粉

响佳寶買咗呢包越南河粉，

1包有4個河粉，

放湯食又得，

用嚟炒又得，

今次我用咗2個河粉，

炒咗一大碟肉片蝦仁炒越南河粉，

夠哂我和老公兩個人食，

撈埋少少辣椒油，

真係幾好食架!

南瓜兩食之二~蒜蓉豆豉南瓜蒸排骨

蒜蓉豆豉南瓜蒸排骨，

買咗$50飛排嚟蒸南瓜，

飛排肉好嫩滑又腍身，

啱哂老人家和小朋友食架!

南瓜兩食之一~南瓜蕃茄薯仔紅蘿蔔煲西施骨

今日買咗半邊葫蘆形嘅南瓜，

5蚊咋好鬼抵，

咁大邊用嚟煲湯係用唔哂架!

所以留起少少嚟做另一個餸；

買埋蕃茄薯仔紅蘿蔔，

再加$70西施骨，

呢個湯煲咗兩個鐘頭，

啖湯好甜好好飲呀!

黑椒洋蔥燴豬扒

759亞信屋嘅無激素豬扒真係好抵買，

每次見到$100有4 pack特價時，

我都會入定貨架!

屋企雪櫃存貨差不多冇哂，

係時候又要去入貨喇!

不過依家D物價貴咗咁多，

唔知仲有冇特價呢???

沙田美心皇宮

今朝早我要去仁安醫院覆診，

醫生話胃和腸嘅化驗報告大致冇咩問題，

只係肝酵素SGPT和穀氨酰基轉移酶(GGT)微微偏高，

唔排除有脂肪肝，

要減肥、減肥、減肥呀!😢😢😢

睇完醫生就約母親大人去飲茶，

2個人食咗5碟點心$258.5。

豆豉鯪魚炒油麥菜

每次見到油麥菜，

我都會諗起豆豉鯪魚炒油麥菜呢個餸架!

可惜由於豆豉鯪魚罐頭越賣越貴，

真係想食呢個餸都覺得好奢侈呀!

不過咁，

間唔中奢侈下滿足家人胃口都唔錯架!

平民燕窩~雪梨海底椰雪耳紅蘿蔔粟米煲豬腱湯

秋天來了，

所以我呢排好鐘意煲多咗滋潤湯水嚟飲呀!

今日就煲有平民燕窩之稱嘅雪耳湯喇!

雪梨海底椰雪耳紅蘿蔔粟米煲豬腱湯，

有滋陰、潤肺、通便、健脾、清潤止咳等功效。

蒜蓉粉絲蒸蝦

今日大小魔怪都係屋企食午飯，

買咗磅幾蝦嚟整蒜蓉粉絲蒸蝦，

剁咗1個蒜頭加1隻辣椒仔，

整哂碟秘制蒜蓉醬，

哈哈，

大魔怪未食已經話好正呀!

家常便飯

噚晚大魔怪放半日假，

提早返嚟食晚飯，

好彩冰箱仲有條紅腸係度，

煎埋出嚟做餸呀!

除咗有清補涼湯外，

有梅菜蒸豬肉、蠔油菜芯和煎紅腸。

清補涼粟米紅蘿蔔豬腱湯

今日靚湯~清補涼粟米紅蘿蔔豬腱湯；

材料有沙參、玉竹、蓮子、百合($20)，

我仲加咗粟米、紅蘿蔔、帶筋豬腱($60)、杞子和瑤柱，

煲2小時就有得飲啦!  我鐘意食帶筋嘅豬腱，

補補筋骨呀!

元朗形點~利苑酒家

今年生日我冇得食大餐慶祝，

因為要照胃鏡腸鏡呀!

今日老公補番請我去飲茶，

元朗形點~利苑酒家，

12:45前結帳有85折優惠，

有銀聯咭就有95折呀!

手機點餐好方便，

慳番唔少人手呀!

黃豆醬白豆角豆乾炆豬肉

 

唔知有冇朋友仔同我一樣鐘意食呢款白色角呢???

用黃豆醬炆到D白豆角腍一腍，

老人家和細路仔都啱食架!

追月晚餐

噚晚嘅追月晚餐，

買咗隻芝麻雞嚟整客家咸雞，

加碟炒米粉和蒜蓉炒西蘭花，

簡單又好味道呀!

中秋慶團圓

噚日中秋佳節，

家人齊齊整整聚一聚就最開心架喇!

疫情開始，

我哋都會先做自我檢測，

起碼歡聚時會盡興啊!

今年好特別，

就係大魔怪第一次帶埋女朋友仔出席聚會；

大魔怪仲識得帶支清酒去細姨家做手信，

好識做呢!

姐姐準備咗好多唔同款嘅月餅和水果同我哋分享，

妹妹就有紅酒和白酒，

而我就整咗姐姐指定要食嘅咖哩豬皮蘿蔔魚蛋，

母親大人整咗雲耳豬手；

其餘就食壽司、炸雞和pizza呀!

蝦仁雞粒菜芯蛋炒飯

今晚得我和老公兩個人食飯，

所以煮得超簡單，

就係食炒飯喇!

材料有蝦仁、雞扒粒、菜芯、蛋和冷飯，

炒埋一大鍋，

方便又好味道呀!

粟米蓉兩食~粟米燴豬扒&粟米雜丸紫菜蛋花湯

罐頭粟米落真係好鬼正，

用嚟煮餸又得，

煮湯又得，

得咗。

蕃茄薯仔紅蘿蔔排骨湯

噚日去咗沙田仁安醫院，

照胃鏡和腸鏡，

所以呢幾餐都係食得好清(食白粥粥水)，

照腸鏡前一日仲要飲3公升瀉水，

好彩冇瀉到腳軟咋!

口啖啖好想飲湯，

所以煲咗呢個蕃茄薯仔紅蘿蔔排骨湯呀!

日式麵包制作精選實習中班~第十堂

同學仔計過，

我哋大大話話學搓麵包已經超過十年或以上喇!

所有麵包堂我哋都已經學哂，

現在都係時候要停一停，

休息下啦!

所以，

呢堂係我哋學搓麵包最後一堂了。

有緣再學!

第十堂~日式照燒豬柳包&東瀛千層麵包。

猴頭菇栗米紅蘿蔔螺片豬腱湯

 

我都差不多半個月冇煲湯，

今日買咗豬腱、紅蘿蔔和粟米，

順便摷下屋企有咩物資可以用嚟煲湯先得。

今日靚湯～猴頭菇栗米紅蘿蔔螺片豬腱湯，

配淮山圓肉蜜棗杞子。

三餸冇湯

噚日去仁安睇腸胃專科，

安排咗下星期照胃和照腸呀!

希望一切順順利利啦!

呢排食得好hea，

簡簡單單煮咗三餸，

但冇湯，

唔緊要啦!

食住先，

有拖冇欠。