2012年2月29日 星期三

麵包機~腸仔&鮭魚鬆包!


第一次用麵包機幫手搓包包,

一路望住部機攪攪攪,

我個心又不斷攪梗囉!

唔知成唔成功搓到個粉糰呢???

係咪太貪心一次搓咁大舊粉糰呀???

焗咗出嚟好唔好食呀???

一大堆問題,

算啦,

好唔好食都好,

我諗大小魔怪都會俾面掛???

(我用嘅係
億世家買嘅麵包機呀!)

2012年2月28日 星期二

涼拌蒜泥手撕茄子!

由細到大,

我都好鐘意食茄子!

唔講唔知,

茄子最好用清蒸方法烹調,

有抗衰老、防胃癌和防止出血嘅功效添!

不過茄子較寒,

身子虛寒和便秘者不宜多食啦!






材料: 茄子2條、蒜蓉、乾蔥蓉、辣椒絲和蔥粒

調味: 豉油1湯匙、老抽半湯匙、鎮江醋1湯匙、糖2茶匙、

麻油少許和1湯匙凍滾水

做法: 茄子切去頭部,原條蒸15分鐘至熟;

待涼後用手撕開茄子成絲放在碟上,

燒熱油鑊,爆香蒜蓉和乾蔥蓉後,

與調味、辣椒絲和蔥粒拌勻,淋在茄子面便成。



 



大家可以入嚟Facebook讚下我新開嘅Fans專頁呀! 

2012年2月27日 星期一

自家麵條~榨菜肉絲麵!



做老師真係要萬能o架!

尤其係做幼稚園老師,

真係咩嘢都要識;

依家教小朋友,

唔單只坐定定聽書講書咁簡單,

而係要大家落手落腳一齊做,

今次同小朋友探討嘅主題係麵粉,

麵粉可以做咩嘢???

可以做麵條呀!


 

2012年2月26日 星期日

又買咗部新玩具啦~麵包機!

 


成日見blog友仔搓包包食,

睇到我都不知幾想買麵包機玩吓,

不過驚老公話阻定,

所以我遲遲都唔敢買呀;

今日,

同老公落元朗行街街,

專登帶佢去元朗億世家,

有意冇意話俾佢聽有部平平哋嘅麵包機,

係就係內膽細咗D,

仲只可以做1磅方包,

不過價錢都係$499咋!

好經濟o架!

點呀???

老公見到話OK喎,

咁即係買啦,

嘻嘻,

多謝老公!

七日內包換,

一於即刻試機呀!

跟足說明書做法,

唔會有錯掛。
 

2012年2月25日 星期六

有辣有唔辣~豬肉乾!



哈哈,

今日冇嘢做,

玩吓豬肉乾先得!

點解冇端端玩豬肉乾???

因為最近校長買咗美X香嘅豬肉乾請我哋食,

一磅要成百幾蚊,

好貴啊!

不如試吓自己整,

起碼平好多嘛!

2012年2月24日 星期五

鹽焗秋刀魚!

近排愛上食秋刀魚,

用簡簡單單嘅調味,

就可以做出美味嘅食物,

真係yummy yummy呀!



2012年2月23日 星期四

伯爵茶馬芬!

今日整呢個伯爵茶馬芬,

係上次blog聚Sam Wei送俾我嘅禮物嘅o架,

第一次用茶葉整馬芬,

真係好好好香呀!

Sam Wei,

多謝妳嘅禮物呀!



2012年2月22日 星期三

2012年2月21日 星期二

粟米魚肚肉碎羹!

大小魔怪嘅口味有時都幾奇怪,

佢哋鐘意飲湯,

不過唔係老火煲,

而係罐頭湯呀!

呢個粟米魚肚肉碎湯,

簡直係佢哋嘅至愛,

每人起碼會飲3碗以上呀!



2012年2月20日 星期一

蜜汁豬肩肉!


依家睇政府醫生都幾煩,

要晨早打電話去預約o架!

不過次次打去都話full booking,

惟有每隔30分鐘再打,

睇吓有冇人cancel booking啦!

唉!

我點知公務員家屬係唔使俾錢啫,

人哋十幾年冇去睇過嘛,

又俾人罵咗一餐!

嗚嗚,

下次叫我都唔去睇呀!


2012年2月19日 星期日

祈祈BB1歲生日啦!

 
噚日2月18日,

係姨甥女祈祈BB 1歲生日呀!

祈祈BB係個開心BB嚟o架!

好少會喊;

不過噚日就百厭啦,

玩衣櫃門夾親手指仔,

BB媽咪好心痛啊!
 



終於有機會去妹妹屋苑度BBQ啦,

之前次次都好黑仔落大雨冇得燒呀!



(祈祈BB一家三口合照)

拿拿拿,

祈祈BB又百厭豬,

快D坐定定食靚姨媽我為妳整嘅甜品啦!


母親大人想試食生炒糯米飯,

即刻炒一盒俾佢試,

母親大人話呢個糯米飯超正喎,

下個月大小魔怪生日一定要再食呀!


黑糯米椰汁糕



 

 
大家可以入嚟Facebook讚下我新開嘅Fans專頁呀! 


19!




19年啦!

2012年2月17日 星期五

粒粒分明~生炒糯米飯!


今日整呢個生炒糯米飯,

加咗少少秘方落去o架,

咩嘢秘方???

就係用熱水浸糯米2個鐘啦,

咁炒起上嚟易熟外,

仲粒粒分明添!



2012年2月16日 星期四

酥炸豆腐卜!

自從1月尾開始咳咳之後,

我真係有戒口o架,

戒咗飲凍飲,

戒咗食炸嘢,

戒咗食肥膩食物;

近日唔可以講話好番哂,

不過都應該有八八九九啦,

我只係間中咳幾下之嘛,

忍咗口咁耐,

我又開始回復原狀啦!



2012年2月15日 星期三

沙薑雞腳!

好鐘意星期日晚睇May姐有請

次次睇到我口水都流哂o架!

尤其呢集請咗黃淑儀嚟整~梅子鴨,

真係超想食呀,

有機會一定要試整呢!

今日我整嘅係沙薑雞腳,

大魔怪一見到已經話好想食啦!

得,亞仔話想食,

亞媽我一定整o架!



2012年2月14日 星期二

情人節快樂!

 
今日係2月14日~情人節!

願天下有情人終成眷屬,

未有情人亦唔好失望,

今年實輪到你或妳搵到一個錫自己嘅愛人o架!

今日我為我的3位情人做嘅情人節晚餐:

2012年2月13日 星期一

食得招積~XO醬魚香烤茄子

 今日整XO醬魚香茄子,

太普通啦,

唔想咁單調,

於是又攪攪新意思,

又蒸又焗,

係咪食得好招積呢???



2012年2月12日 星期日

XO醬雜錦炒腰果!

又到清過年物資嘅時候,

今日要清嘅就係腰果啦!

好彩我用玻璃樽裝好,

又收得夠高,

唔係邊有得剩呀!



2012年2月11日 星期六

元朗長來食坊~重慶辣雞煲!


 
昨日係我同老公結婚19週年紀念,

我哋約埋姑奶一齊食飯。

食咩???

就係我想食好耐嘅辣雞煲啦!

由於我仲咳咳哋,

所以揀咗少少辣嘅重慶香辣雞啦!

(辣:分小、中和大辣)
原來少少辣都係辣o架,

一定要叫定支冰凍啤酒和汽水呀!


咪睇呢個煲好似好少咁,

初初我哋都懷疑有冇一隻雞嘅份量,

點知我哋3個人食到最尾個煲都仲有雞,

就知道佢好足料,

又夠哂惹味,

好辣嘅朋友一定要嚟試吓;

位置係元朗屏樂徑近水邊圍村呀!

提提大家,

呢間舖頭都幾多人食,

仲擺到成條街都係枱,

想搵個好位就要早D嚟啦!

2012年2月10日 星期五

福建炒飯

前幾日巡blog時,

見blog友仔食福建炒飯,

諗起我都好耐冇整過嚟食啦!

今日即刻動手整嚟嘆吓先得!



2012年2月9日 星期四

上湯浸鮮竹卷!


真係好耐冇整過茶樓美食啦!

近排同母親大人係沙田飲茶,

食咗個好好味道嘅上湯浸鮮竹卷,

今日我就試吓自己整嚟食先得!

其實用咩材料都得,

只要啱自己口味就OK啦!

最重要呢個餸好鬼清,

一滴油都唔使落o架!