2022年4月30日 星期六

手撕涼拌茄子


夏天將至,

又係時候開始煮涼拌菜嘅好時機喇!

今日見到D幼身茄子好靚,

買咗2條$6,

用嚟整手撕涼拌茄子呀!



2022年4月29日 星期五

南乳芋頭炆腩排


今日菜檔有半個芋頭賣,

已經去咗皮和切好件,

$15半個,

雖然貴咗少少,

但方便我呢D懶師奶呀!

買咗芋頭緊係要買埋排骨啦!

炆排骨一定要買腩排,

肥瘦啱啱好,

炆起嚟腩排又腍又滑,

一D都唔"鞋"口架!

2022年4月28日 星期四


因為近日大陸疫情嚴峻,

所以上網淘嘢運嚟香港時間都耐咗呀!

4月15日去天貓超市落order,

4月22日送咗兩箱貨物,

4月27日先送埋其餘3件貨呀!

2022年4月27日 星期三

元朗深記海南粉

 

噚晚我要落元朗返學,

所以就早早落咗元朗搵食呀!

我見好耐冇食海南雞飯,

搵埋朋友仔一齊落去食喇!

我早咗到,

食住等,

海南雞飯$48、凍檸茶+4、胡椒湯(免費);

提提大家,

海南雞要雞髀位係唔使加錢架!



2022年4月26日 星期二

日式麵包製作實習初班~第三堂

 

話時話,

我好耐冇post整麵包相喇!

呢堂係1月18日時學的,

之後就因為疫情突然間非常嚴峻,

所以就開始停課;

期間兩次想復課但最後都要廷期,

今日終於可以順利復課啦!

第三堂學搓日式麻糬紅豆包&芝士波波和綠茶麻茸包。


2022年4月25日 星期一

荷蘭豆炒素魚片


荷蘭豆炒素魚片,

素魚片造型好得意,

真係成條魚嘅造型咁架!

好攪笑呀!

呢碟餸調味好簡單~鹽、糖、香菇粉,

炒熟就食得,

清清哋都唔錯架!


2022年4月24日 星期日

安娜餐廳(元朗)


今日去元朗舊屋後山拜山,

之後就落咗元朗搵食,

行經安娜餐廳,

小魔怪話想食西餐,

咁啱又有位唔使等,

開心啊!


2022年4月23日 星期六

青紅蘿蔔粟米螺片排骨湯


今日又嚟煲朱家例湯啦!

青紅蘿蔔粟米螺片排骨湯,

配蜜棗、瑤柱和南北杏;

由於老公和我好鐘意食湯渣,

所以每次煲親湯,

我哋食湯渣都會食飽架!

2022年4月22日 星期五

蝦膏蒸豬腩肉


噚日老公約咗舊同學去咗大澳行山,

仲買咗件蝦膏磚返嚟,

叫我整俾佢食,

今日拿拿臨即刻去買件豬腩肉返嚟呀!

蝦膏蒸豬腩肉要用肥肥哋五花腩肉蒸出嚟好食架!

咬落一D都唔肥,

下次試下連豬皮一齊蒸,

應該會仲咁甘香呀!

2022年4月21日 星期四

滷牛腱

 

今日响佳寶買咗件大牛腱差不多成3磅,

拿拿臨滷咗先得;

呢個份量可以分幾餐食架!

用盒將牛腱和滷汁裝好雪入冰箱,

隨時切幾片滷牛腱出嚟煮麵食都得啦!

2022年4月20日 星期三

Hea煮hea食


今晚得我和老公兩個人撐枱腳,

唔使煮大龍鳳,

咁就hea煮hea食,

煮湯麵食算啦!

餃子雜丸紫菜麵,

餸多過麵,

我鐘意呀!


2022年4月19日 星期二

醬骨架


今日商場有間新開嘅豬肉檔開業,

買豬肉有優惠呀!

於是買咗$100新鮮排骨嚟整醬骨架!

揀咗比教多肉嘅排骨頭,

炆到排骨肉腍又入味,

用手揸住嚟食真係好滋味架!

2022年4月18日 星期一

大圍~下城門水塘~城門水塘主壩~梨木樹


襯復活節假期最後一天,

我和老公約埋姐姐姐夫4個人,

一齊去行山,

地點係近期熱門行山地點~下城門水塘。

由於姐姐姐夫住係大圍附近,

所以我哋約係寶福紀念館小巴站等。

(其實可以由大圍火車站經新強記雞粥方向行上去架!)

2022年4月17日 星期日

蔥油拌素麵


今日食蔥油拌素麵;

雖然睇好似好簡單,

其實一D都唔易架,

炸蔥油要好留心,

一過火蔥油燶咗就會變苦,

用蔥油拌素麵特別好味,

充滿蔥油香味,

食慾會大增架!

今次整咗個兩款汁料,

有香醋汁和蠔油汁呀!


2022年4月16日 星期六

新奧爾良烤雞翼


响天貓超市淘咗包新奧爾良雞翼醃料(蜜汁味),

昨日醃定雞翼,

今日用焗爐焗嚟食;

用呢包雞翼醃料係唔使再加調味,

1包醃料粉加1.5湯匙水,

將雞翼醃隔夜,

焗爐用180焗25~30分鐘,

兩面搽上蜜糖,

雞翼味道甜甜香香,

蜜汁味一D都唔辣,

啱哂小朋友食呀!

2022年4月14日 星期四

2022年4月13日 星期三

2022年4月12日 星期二

求其煮


疫情期間,

我差不多日日都煮足3餐,

真係越煮越求其;

好彩家人對食要求唔高,

我煮咩佢哋食咩,

我慳番唔少腦筋呀!

2022年4月11日 星期一

紫菜雜丸湯&紫菜素牛丸湯


大小魔怪突然話好想飲湯,

我都冇預備材料添!

摷摷下有雜丸和素牛丸係冰箱,

拿拿臨滾個紫菜雜丸湯&紫菜素牛丸湯,

紫菜雜丸湯就落咗清雞湯,

紫菜素牛丸湯就加咗少少香菇粉落去,

最重要係加咗炸蒜粒和蔥粒,

成個紫菜湯嘅味道提升咗唔少呀!

2022年4月10日 星期日

香煎豆腐燴真姬菇


真姬菇、本菇、蟹味菇,

呢幾款菇其實都好似樣架!

今日就整咗呢碟素菜~香煎豆腐燴真姬菇,

先煎咗D豆腐,

再將真姬菇煮熟,

落少少蠔油、豉油、鹽、糖和麻油調味,

簡簡單單又好送飯,

唔錯架!



2022年4月9日 星期六

避風塘炒蝦


豉油皇煎蝦和茄汁蝦成日煮,

今次轉轉口味,

整碟避風塘炒蝦嚟食,

咸咸香香,

好惹味架!


2022年4月8日 星期五

長洲半日遊


今日約咗老公舊中學同學,

一共7人入長洲行下;

佢哋有2蚊車優惠真係好,

搭車搭船都係2蚊,

而我就用咗差不多$100車船費,

好貴呀!

見仲有少少時間,

影相打下咭先。


2022年4月7日 星期四

梅菜炆腩肉


以前我哋個個月都會返惠州飲飲食食,

呢兩年幾因為疫情關係唔可以返去,

我真係好掛住老家惠州嘅甜梅菜呀!

所以今日整咗碟梅菜炆腩肉懷念一下家鄉餸,

梅菜係香港買$28斤,

好貴呀!


2022年4月6日 星期三

酥炸南乳雞翼


今晚想煮雞翼,

問小魔怪想食蠔油炆雞翼定係咖哩雞翼???

佢話兩樣都唔食,

佢要食南乳炸雞翼呀!

啱啱屋企有南乳,

好啦!

就食酥炸南乳雞翼啦!

今次雞翼翻炸多一次,

所以特別脆口呀!

2022年4月5日 星期二

黃豆醬節瓜支竹炆排骨


今日係菜檔買咗條長節瓜$8,

同普通節瓜有咩分別???

我個人覺得長節瓜清甜爽口D呀!

2022年4月4日 星期一

雜菜牛肉湯


今日煲咗呢個雜菜牛肉湯,

係未落牛肉之前裝起一大碗俾大魔怪,

咁就成家都有湯飲啦!

2022年4月3日 星期日

素腐皮卷


今日整咗素腐皮卷,

材料好簡單,

椰菜、甘筍、木耳和蘑菇,

落素蠔油、豉油、鹽、糖、麻油調味,

2塊腐皮可以包16條,

包好放雪櫃,

呢兩日大魔怪有口福了。

2022年4月2日 星期六

雜錦鍋


今晚得我和老公兩個撐枱腳,

唔使煮大龍鳳,

適逢今日天氣涼涼哋,

整個雜錦鍋就最啱啦!

全部煮熟佢哋就食得,

好方便,

連碟都唔使洗呀!

2022年4月1日 星期五

愛回家


前兩日吃喝玩樂後,

又要回歸現實,

繼續做個煮飯婆呀!

今日煲咗羅漢果水俾家人飲,

潤潤喉呀!

晚餐就簡簡單單,

照燒鯖魚、麵豉蒸排骨、蠔油生菜。