2013年7月31日 星期三

透心涼~紅腰豆薯仔青瓜粟米沙律!

天時暑熱,

最佳消暑方法就係食沙律啦!

簡簡單單整咗個紅腰豆薯仔青瓜粟米沙律,

有益又好味道呀!

 
 

 

2013年7月30日 星期二

2013年韓國之旅~第一日!

2013年7月24日
1998年去過韓國旅行之後,

真係整整15年冇嚟過啦!

今次我哋係跟旅行團玩足5日。

23號晚10點半左右到機場,

搭半夜1點機去韓國。

人人話飛機餐唔好食,

不過我又唔覺喎,

可能我為食啦!

2013年7月29日 星期一

2013年韓國之旅~手信篇!



係韓國玩咗5日,

我終於返嚟啦!

呢5日裡面,

發揮我敗家嘅本色,

化妝品、小食和零食等等,

咩都掃,

哈哈,

好鬼開心呀!

首先係零食:



2013年7月23日 星期二

2013年韓國之旅~韓國,我嚟啦!

 
今晚,

我會撇低大小魔怪和老公,

同母親大人、姐姐、姐夫、妹妹、妹夫和祈祈BB,

一行7人齊齊飛去韓國玩5日;

今晚半夜1點機,

星期日晚上11點左右先返到香港,

名副其實玩C妳5日團。

妹妹妹夫今朝pack行李,

話順便pack埋祈祈BB入喼喎!

而我呢,

盡量帶少D嘢去,

希望可以買哂成個韓國返嚟啦!



2013年7月22日 星期一

金銀蒜梅菜蒸茄子!

 
呢排大魔怪開始食素菜,

佢話要環保,

唔想D動物咁快絕種!

雖然食素菜,

但佢都有要求架,

係唔可以求求其其烚菜俾佢食呀!



 

2013年7月21日 星期日

蒜蓉牛油焗雜菇!


今日D懶蟲出嚟,

攪到我咩都唔想做,

仲走去瞓個靚午覺,

爽!

連煮晚飯都冇哂動力添???

唯有整呢個焗菇菇最啱喇,

快靚正嘛!

 

2013年7月20日 星期六

少少心意!

 


終於到咗7月20日啦!

今日會係我人生一個大日子,

我嘅新書簽名會和發佈會呀!

冇咩送俾大家,

我親手做咗D曲奇請大家食,

雖然曲奇樣衰衰,

不過呢D係我少少心意嚟架,

多謝大家支持!

今日書展4點見啦!

記得晚上8點15分仲有場新書推介會,

齡記攤位1A-C21 等緊妳呀!

2013年7月19日 星期五

白汁芝士焗西蘭花!


 
我習慣咗早瞓,

所以好多時冇睇9點半D劇集;

聽講話依家做緊嘅衝上雲霄2好睇,

今日即刻上mytv睇番,

越睇越覺得唔錯喎,

連續睇哂4集,

追得過呀!


 

2013年7月18日 星期四

素菜雞蛋炒拉麵!

 
近排大魔怪對食肉冇哂興趣,

佢仲話想食多D素菜喎!

大個仔有自己嘅選擇權,

做媽媽嘅我緊係支持啦!

等我諗多D素食譜煮俾佢食先得!


 

2013年7月17日 星期三

洋蔥炒牛仔骨配韓式牛肉汁!

臨放假前訂咗D凍肉放入冰箱,

有咸豬手、牛仔骨、牛柳、豬頸肉,

隨時拎起手有得用喇,

不過個冰箱真係好細,

少少嘢就已經滿哂,

如果有個大雪櫃就好囉!

2013年7月16日 星期二

西餅、蛋糕製作精選實習班(一)~第五堂!

 


話咁快又到咗第五堂,
呢堂整雲石芝士蛋糕,
蛋糕面搽咗層白蘭地糖漿,
正呀!

 
 

 
 
大家可以入嚟Facebook讚下我新開嘅Fans專頁呀!

 
 

2013年7月15日 星期一

素菜包!



今日係中學文憑試放榜的大日子,

大小魔怪係今年考生之一;

做家長嘅我十級擔心,

鬼咩,

一次要擔心兩個,

唔擔心就假嘅,

仲喊鬼咗出嚟添。(好鬼冇用呀!)

當收到佢哋嘅成績後,

又喊!(正一喊包!)

不過係開心嘅喊呀!

雖然成績唔係好標青,

中規中矩,

值得開心!


2013年7月14日 星期日

Sunday brunch~香茅豬扒湯河粉!

 
男人買嘢真係唔靠得住;

佢話想食炒河粉,

仲話出開街會順便買埋河粉返嚟喎,

咁我咪係屋企切定菜和甘筍等囉,

點知,

買返嚟唔係粗河粉而係幼河粉,

仲反問我:有分別架咩???
 

2013年7月13日 星期六

Last day!

 


尋日係我和另一位同事係呢間學校嘅Last day!
係度十幾年有過開心和唔開心嘅時光;
不過大家有一個信念,
响家長和小朋友心目中,
我哋係一位好老師!
祝各位同事緊守岡位,
努力加油!

冬菇炆鮮鮑魚!

 
今日係我悠長假期嘅開始,

約咗lonely入大埔入貨兼買海鮮,

唔行都唔知大埔墟街市D海鮮咁平,

真係平
靚正,

鮑魚$70有廿隻,

冇沙蜆$40,

石祟魚1斤$40,

整咗下面呢個海鮮餐呀!


 

2013年7月10日 星期三

瑤柱草菇冬瓜環!


本來諗住今日整個素菜,

不過用咗瑤柱,

又用咗清雞湯,

所以呢個唔算係素菜囉!


 

2013年7月9日 星期二

西餅、蛋糕製作精選實習班(一)~第四堂!




今堂整紐約芝士蛋糕和朱古力曲奇。
我都冇得試食曲奇,
因為當我想食時,
已經俾人哋食哂啦!

 
 
 
   
亞虎都唔知攪咩???

唔俾我擺相啦!

擺一二張相就得,

想放多幾張相就死圖啦!
 
 
 


 
 
 
 
大家可以入嚟Facebook讚下我新開嘅Fans專頁呀! 


2013年7月8日 星期一

黨參杞子醉雞翼!


 
醉雞翼係小魔怪至愛之一。

佢噚日攞埋個結他去同學屋企玩,

本來小魔怪話唔返嚟食飯,

點知一知道有醉雞翼食,

即刻趕返嚟,

仲一口氣食咗6隻添呀!

唔知佢夜晚有冇醉到呢???
 
 

 

2013年7月7日 星期日

小暑~煲冬瓜!

 
今日小暑,

最啱就係煲冬瓜架啦!

冬瓜有利尿、清熱消腫功效,

而薏米就有健脾開胃、利尿、去水腫,

呢個夏天最啱飲呀!

 

2013年7月6日 星期六

蠔油花生炆豬手!

 
今日放工後到百佳行個圈,

經過豬肉檔時,

突然聽到豬肉佬話:「靚女,買豬手食啦!」

喂喂,

叫我嗎???

豬肉佬:「靚女,妳都好耐冇買豬手食,平D賣俾妳啦!」

終於買咗一隻$31嘅豬手返屋企喇!

女人好易氹呀!


2013年7月5日 星期五

蝦仁火腿蟹柳絲配日式芝麻醬拉麵!

 
呢排日日都酷熱天氣警告,

我最怕熱架啦!

每日下午放工時,

太陽伯伯係咁曬我頭頂,

簡直想C囉!

熱到都唔想食飯,

食涼拌冷麵都唔錯啊!


 

2013年7月4日 星期四

薑蔥蒜手撕雞!


踏入七月,

我嘅心和身,

簡直放緊假咁呀!

做起事上嚟都懶洋洋,

冇咩動力添!

就連食都唔想𦧲骨,

呢個手撕雞就最啱我依家嘅心情啦!

 

2013年7月3日 星期三

老黃瓜眉豆粟米紅蘿蔔排骨湯!

唔認老都唔得啦!

呢排周身骨痛,

好鬼火呀!

所以今日煲個去清熱下火、健脾、去濕和消暑嘅湯水啦!

唔講唔知,

原來食眉豆好處多~不但防癌、防血管硬化、抗衰老,

還可幫助婦女解決經期的煩惱和更年期的種種痛苦。

(
周兆祥博士)


2013年7月2日 星期二

七一晚餐!

 
 

噚日,

去咗祈祈BB屋企耍樂,

見到祈祈BB真係好開心,

我一嚟到即刻除衫俾我睇,

睇咩???

睇佢件新衫囉!

每家人準備2個餸菜,

頭兩樣係我整架!

 

2013年7月1日 星期一

南乳蓮藕木耳炆腩肉!

今日七一回歸假期,

1號風球懸掛,

遲D可能會掛3號添!

天色明朗,

唔似打風囉!

晏D我和老公會去祈祈BB屋企耍樂!

每個家庭要準備兩個餸菜做晚餐,

呢個南乳蓮藕木耳炆腩肉係我準備嘅其中一個餸呀!