2012年3月31日 星期六

露絲瑪莉燒雞!


3月唔單只係大小魔生日,

仲有老公嘅生日添。

不過佢為人低調喎,

唔使慶祝,

簡簡單單食餐飯算啦!

今次用咗自己種嘅露絲瑪莉醃雞,

真係特別好味道啊!



2012年3月30日 星期五

蒜香排骨蒸陳村粉!

超期待4月嘅來臨呀!

嘻嘻,

因為就嚟到復活節啦!

我哋幼稚園由即4月4日開始放假,

4月16日先返學呀!

總共12日,

等我plan吓去邊樹玩先得!

今日唔食飯都得,

因為食陳村粉係好飽o架!



2012年3月29日 星期四

蒜蓉焗雜菇!

唔通我真係咁霉,

今日接親電話都係XX財務公司或XX銀行,

問我借唔借錢喎!

係咪唔使還先???

下次見到唔識嘅電話,

唔鬼聽啦!



2012年3月28日 星期三

中式包包~菜肉包!

 


我都話大小魔怪成日都處於飢餓狀態o架啦!

日日放學返嚟都問有冇茶點食,

你哋係咪咁肚餓呀!

好啦好啦!

今日整鑊包俾你哋嘆啦!


2012年3月27日 星期二

日式咖哩雞飯!


近排我有壓力咩???

冇呀;

唔知點解我塊面生哂D粒粒,

紅紅哋仲好鬼痕添,

本來我睇中醫,

不過太痕頂唔順,

都係睇西醫好D,

起碼止痕先啦!

醫生俾咗3粒早上食、3粒晚上食嘅藥丸和1支藥膏俾我,

咁就承惠$220啦!



2012年3月26日 星期一

蒜香雞翼!

電視廣告嘅威力都幾勁o架!

連平時唔多睇電視嘅大魔怪,

都話想試吓樽史雲生調味雞汁整蒜香雞翼喎!

依家一樽賣$19.9呀!(特價)



2012年3月25日 星期日

健康食品~牛蒡三食!


係街市,

成日都會見到有新鮮牛蒡賣;

牛蒡個樣唔吸引,

成條柴咁,

原來佢嘅營養價值好高,

對高血脂症,動脈硬化,便秘,解肝毒具有明顯效果,

仲有抗老化、降血糖、降尿酸、降血壓、

降膽固醇、保肝消炎、抗菌與抗腫瘤添!



今次用牛蒡做咗幾個菜式,

炒絲、煲湯和焗茶。



2012年3月23日 星期五

小食~鹽焗火雞腎!

今日整呢個小食,

真係話咁易就整到啦!

簡單又好味道,

做飯前小食或送酒就最啱啦!




2012年3月22日 星期四

豉椒炒蜆!

 
出街食一碟炒蜆,

平平常常普普通通都要40-50蚊啦!

仲要係殼多過肉果種添,

超唔抵食囉!

今日經過街市見到蜆賣18蚊斤、32蚊2斤,

一於買2斤返屋企嘆吓先得!

大小魔怪見到即刻話:

媽咪,

好耐冇食炒蜆啦!

超超超正囉!


 

2012年3月21日 星期三

麵包機~午餐肉包&咸牛肉包!

 
今日又試爐啦!

焗咩???

梗係試焗麵包啦!

今次整嘅係午餐肉包&咸牛肉包,

由細食到大,

好好味啊!

唔知大小魔怪聽日早餐仲有冇得食呢???

2012年3月20日 星期二

菠蘿糖醋排骨!

 
今日同事講咗一個秘制糖醋排骨食譜俾我聽,

仲話食過呢個糖醋排骨就唔會出街再食喎,

哈哈,

以我咁為食,

一於跟住做先得!


 

2012年3月19日 星期一

試爐~脆卜卜燒肉!

 
今日又嚟試爐啦!

整咩食???

梗係朱家人人愛吃嘅脆卜卜燒肉啦!

好緊張呀,

唔知個爐掂唔掂呢???


 

2012年3月18日 星期日

媽媽的受難日!

 
17年前嘅今日,

大小魔怪出世啦!

佢哋出世嘅磅數都唔少o架!

一個6磅1、一個6磅3,

好彩我都有番咁上下大件頭,

唔係陀12-13磅係個肚度都幾辛苦o架;

大小魔怪記得要孝順父母,

俾心機讀書啦!

2012年3月17日 星期六

試爐~露絲瑪莉燒雞!


今日係Kenwood開倉第五日,

晨早捉埋Sand Sand陪我去;

排咗幾個鐘,

入到去咩嘢都冇賣,

剩係得暖風機、風扇、食物處理器和超貴嘅咖啡機等等,

冇貨就唔好攪咁多日啦,

聽日仲有一日,

唔知賣咩呢???
買唔到我要買嘅焗爐,

好唔開心啊!

終於我去咗元朗嘅烘焙店,

買咗呢個價錢經濟嘅
 
捷家伴旋轉吹風電焗爐23公升,
價錢都係$598咋!

買咗就要即刻試機,

因為7日內包換呀!
 
 

2012年3月16日 星期五

羅宋湯配卡士達小餐包!

 

今日嘅主角本來係羅宋湯,

但當我焗完幾個卡士達小餐包和肉鬆包後,

好靚啊!

突然間配角變咗主角添!

2012年3月15日 星期四

難為了家嫂~香煎鮫魚!


啱啱先講完D菜貴啫,

點知D魚仲貴!

呢兩片鮫魚賣4蚊兩,

成50蚊o架!

亞姐仲搭埋一個冇肉魚頭俾我,

不如下次搭多塊魚俾我仲好啦!

日日係咁捱貴餸,

我D打斧頭錢冇著落啦!



 

2012年3月14日 星期三

煎釀四寶!

 
依家D物價真係越來越貴,

食得和唔食得都貴到飛起,

真係難為了慳家嘅我囉!

見D菜咁貴,

今餐唔食菜食椒啦!



2012年3月13日 星期二

中式包包~叉燒包!

 
我近排迷上做包,

不論中式定西式,

我都超鐘意啊!

自知自己對整包嘅認識不足,

所以我決定由最基本學起,

報咗名做初級亞茂呀!
 

2012年3月12日 星期一

日式芝士海棉蛋糕!

 
噚日大小魔怪生日會,

唔想再整藍莓芝士蛋糕啦!

諗諗有咩好整呢???

終於決定整呢個日式芝士海棉蛋糕,

初初都冇咩信心做到,

好好彩最後都唔太差,

質感有D似食梗布甸和梳夫厘嘅感覺呀!

不過今次個蛋糕甜咗少少,

下次要減糖先得!

2012年3月11日 星期日

再見16歲~大小魔怪生日會!





 唔經唔覺,

大小魔怪已經17歲啦!

雖然正日生日係18號,

不過當日家人們都各有各忙,

所以提早今日舉行生日會啦!

係咁易整咗以下食品招呼親戚朋友:


2012年3月10日 星期六

2012春季旅行一日遊!

 


今日係幼稚園和幼兒園舉行春季旅行的大日子!

好彩今日天氣都唔錯,

雖然凍凍哋,

不過就冇落雨啦!

今次我哋參加悠閒假期嘅親子旅遊團,

參觀景點有天際100、洋紫荊號自助午餐和葛量洪滅火輪展覽館!

真係60秒,

我哋就上到100層樓啦!

嘩,

好高呀,

真係有居高臨下嘅感覺o架!

 

2012年3月9日 星期五

鬼佬雞蛋仔~馬卡龍!



今日又嚟團購學整馬卡龍,

不過Miss多掂,

完全冇示範,

齋講食譜,

可以整成咁,

就要靠大家嘅天份啦!

本來雪雪佢會好食D,

不過我一返到屋企,

馬卡龍已經成為小魔怪嘅宵夜啦!


2012年3月5日 星期一

清湯燉獅子頭!


大鑊,

洗衣機漏水呀!

依家一洗衫,

成個廚房都係水,

保養期又過咗,

約咗下星期一先嚟望望,

係咁二望下都要收$310,

其他零件另計呀,

激死人啦!


最新消息,

老公搵咗個師傅嚟檢查,

收費$50!


經師傅檢查過部洗衣機,

機身機底冇漏水情況出現,

不過水喉接駁位就有漏水啦,

是次檢查$50,

明天再嚟換水喉,

承惠$200呀!



2012年3月4日 星期日

BBQ!

 


今日妹妹教會攪BBQ,

我哋揸車出發時,

已經開始落毛毛雨,

去到官塘時,

天色陰暗介好大霧

好似想落雨咁,

大家都好擔心;

好彩當我哋開始燒嘢食時,

天氣雖暗,

仲陣陣涼風添!

2012年3月3日 星期六

蜜汁豬寸骨!



記得上次整呢個蜜汁豬寸骨係上年6月份,

果時政府啱啱話會派$6000俾滿咗18歲嘅香港人,

唔知大家攞咗未呢???

我就一早洗突哂D錢啦,

但老公就堅持唔攞住,

好快4月份佢有得攞啦!

唔知到時我有冇份幫手洗佢D錢呢???

嘻嘻!



2012年3月2日 星期五

吉列炸豬扒!

今日跟May姐食譜整咗呢個吉列豬扒,

超掂呀!

大魔怪一路幫手剪開D豬扒,

一路係度偷食,

睇嚟下次都係唔好叫佢哋幫手啦!

容咩易偷吓偷吓俾佢食哂o架!



2012年3月1日 星期四

鹽焗雞髀!

我煮餸通常會用好普通嘅材料,

全部都係家常便飯;

但只是花少少心思,

轉轉唔同烹調嘅方法,

咁就變咗唔同款式嘅餸菜o架啦!

所以同事和朋友仔都幾鐘意睇我個blog,

佢哋話因為我煮得簡單,

好多時候打開自己屋企個廚櫃,

就搵齊哂所有調味料,

方便易做喎!

嘻嘻,

其實係我想用最慳錢嘅方法,

去煮啱家人口味嘅餸菜咋,

重要係我家有兩位大食兒,

唔慳唔得呀!