豉椒炒蜆!

 

出街食一碟炒蜆，

平平常常普普通通都要40-50蚊啦!

仲要係殼多過肉果種添，

超唔抵食囉!

今日經過街市見到蜆賣18蚊斤、32蚊2斤，

一於買2斤返屋企嘆吓先得!

大小魔怪見到即刻話:

媽咪，

好耐冇食炒蜆啦!

超超超正囉!

 

 

材料: 蜆2斤、蒜蓉、乾蔥蓉、薑絲、豆豉粒、辣椒仔、紹酒

調味: 蠔油、豆瓣醬、老抽和各1湯匙、糖1茶匙、

鹽和麻油各少許、水半碗

做法: 燒熱水加入蜆灼至蜆殼半開後瀝乾水份備用；

燒熱油鑊爆香豆豉粒、蒜蓉、乾蔥蓉、薑絲和辣椒絲，

加入蜆快炒數十下後沿鑊邊贊酒；

落調味後炒數十下後加蓋焗1-2分鐘，

最後加1茶匙粟粉水埋獻汁便成。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page