呢個咖哩薯仔牛筋腩,
係參考肥媽食譜做的,
食落真係同平時用咖哩醬整嘅好唔同,
咖哩胆好濃郁,
配上洋蔥碎、蕃茄蓉、乾蔥碎和蒜蓉,
加埋咖哩粉、黃薑粉和辣椒粉,
我冇落印度五香粉和芫茜粉,
不過我覺得已經好好味道呀!
唔想再食了無新意的家常菜?唔知外面的餐廳有無用地溝油? 覺得下廚好難、好麻煩?定係,根本無時間下廚? 無論如何,自己親手烹調的最健康、最美味同安全﹗ 幸福可以好簡單,為自己的家人洗手作羹湯, 雖然平凡,卻絕對是人間美味。 平凡的食材、用簡單步驟,就能令你同家人一齊感受舌尖上的幸福﹗ 雀后,自問只是一名平凡的家庭主婦,然而她每天都會用心經營,為家人送上最暖的心意,煮出一道道幸福美味。自從大小魔怪出生後,雀后從不假手於人,一家大小的飲食都是她一手包辦,由買餸醃肉到落手落腳煮,都親力親為,務求家人食得健康,食得開心﹗
呢個咖哩薯仔牛筋腩,
係參考肥媽食譜做的,
食落真係同平時用咖哩醬整嘅好唔同,
咖哩胆好濃郁,
配上洋蔥碎、蕃茄蓉、乾蔥碎和蒜蓉,
加埋咖哩粉、黃薑粉和辣椒粉,
我冇落印度五香粉和芫茜粉,
不過我覺得已經好好味道呀!
噚日,
我哋黃氏一家齊齊去拜父親大人,
之後,
姐姐請大家1行12人食自助午餐,
沙田萬怡酒店momo cafe,
我啱啱病好,
食力減半呀!
晚餐就叫陳根記外賣,
大家都話中午食得好飽,
但都叫咗9個餸,
另外炒多一碟菜呀!
今晚大魔怪由日本飛返香港,
佢同女朋友仔响日本奈良和京都玩咗6日,
日日都食得好豐富,
返到嚟我緊係要煲番個芫茜魚片皮蛋豆腐湯,
個湯煲到奶白奶白,
好下火架!
收到好多日本手信,
好多綠茶食品,
哈哈,
特別有盒綠茶咖哩,
好特別呀!
3月23日星期六
今日天氣認真麻麻哋,
落雨落到九彩(日本氣象預測堅準),
所以我哋前兩日已經行哂所有戶外景點,
今日只有係酒店附近閒逛和重頭戲~蟹道樂!
早在今年年初已經訂咗位,
嚟到日本又改咗兩次時間(好彩有位咋),
訂咗今朝11點;
全部團友都冇食酒店早餐,
但我早起身見冇咩嘢做,
就獨自一人落去輕食和嘆杯咖啡喇!
噚日復活節假期開始,
我哋預咗會好多人過關返大陸,
所以呢個假期我和老公都會留番係香港;
不過大魔怪和女朋友仔就襯呢個假期,
今朝飛咗去日本玩6日,
呢餐係噚晚嘅晚餐,
紅燒肉鵪鶉蛋、魚露雞翼、蕃茄炒蛋和灼菜芯,
湯就有竹蔗茅根雪梨乾海底椰粟米紅蘿蔔煲西施骨。
今日係大小魔怪兩個嘅29歲生日,
大魔怪約咗女朋友仔慶祝,
而小魔怪就陪我哋兩老食晚飯呀!
小魔怪鐘意啖啖肉,
所以我哋揀咗去新北江商場嗁芝士麵鋸扒呀!
我哋3個人叫咗3個鐵板燒,
和1份吉列魚柳芝士撈麵,
總共食咗$313,
好抵食呀!
今日38婦女節,
祝大家繼續開開心心,
永遠美麗動人;
話說今朝我突然間好想食豬肚雞煲,
所以拿拿臨即刻去買齊材料煲嚟食呀!
响facebook睇番當年今日,
原本我係2020年都係煲呢個湯,
真係有咁啱得咁橋囉!
香港呢排天氣濕到冇朋友,
又濕又熱,
噚日曬晾嘅衫都唔乾,
尤其係D厚衫褲,
再唔乾就會霉味架啦!
所以今日我終於扚起心肝摷番個古董乾衣機出嚟,
屋企細唔可以長期開住,
所以只係潮濕天氣先會攞出嚟用呀!
今晚仲煲咗係大陸美團優選買嘅湯包,
竹蔗茅根海底椰雪梨湯,
好滋潤,
好好飲呀!
2月29日星期四,
香港天氣又霧又有微雨,
但仍未開始凍呀!
突然有急事要即刻返惠州,
我同老公拿拿臨要趕搭12點半嘅永東巴士,
真係有D趕,
未試過呢個時間經蓮塘過關,
超多人呀!
好彩最後都順利搭到大巴,
如果搭唔到就要等多1小時先有車呀!
返到屋企2點幾鐘,
附近粉麵檔已經關門午休,
唯有叫美團外賣,
我叫咗華萊士漢堡,
呢餐食咗34.9蚊人仔,
好抵食呀!
唔知係咪最近covid病毒弱咗好多呢???
老公前兩日有少少病症外(流鼻水和骨痛),
今日佢話已經冇咩事,
佢連續兩日朝早食咗4粒蓮花清瘟,
行得食得走得又痾得,
雖然自我檢測仍然係兩條線,
不過佢有信心過多兩日就會好番哂架啦!
今日我又買咗豬肉碎嚟食餃子,
用咗上次剩番嘅餃子皮,
包咗52隻木耳雞蛋豬肉餃,
午餐煎咗10隻餃子嚟食,
又幾好味道喎!
今日我突然好想食餃子,
於是即刻拿拿臨買材料嚟包餃子喇!
買咗約1斤半皮$20,
1斤豬肉碎和$5韭菜,
炒咗3隻雞蛋(切碎)加埋落去做餃子餡,
呢度包咗63隻餃子咋!
仲有餃子皮剩,
明天再買料包其他餡先得。
午餐煮咗18隻餃子嚟煮河粉,
其餘的放入冰箱,
隨時再食都得呀!
今日約咗老公舊同學一齊飲早茶,
之後就由元朗西鐵站行入去大樹下天后古廟;
途經元朗熱門打咭點~綠色隧道,
緊係要影相留念啦!
適逢今日正月十五,
好多善眾入嚟大樹下天后古廟拜太歲,
香火鼎盛,
人山人海!
附近木棉花盛開,
好靚呀!
食埋個下午茶就返屋企囉!
老公話好耐冇飲西洋菜湯,
今日見有西洋菜賣,
拿拿臨買咗2扎,
仲買埋南安鴨腎,
煲咗西洋菜咸鴨腎紅蘿蔔粟米煲西施骨,
呢個湯係朱家例湯之一嚟架!
話時話,
今日天氣超級潮濕又冇風,
煮完餐飯我成頭和身都出哂汗,
唔知係咪我有病呢???