休息下啦

失蹤咗幾日，

唔係出去玩，

而係病足咁多日呀!

 

話說上星期五和六已經開始骨痛，

我以為天氣唔好老人病發作，

點知星期日早上開始覺得唔多妥，

頭重重、喉嚨乾涸、流鼻水和咳，

下午仲開始發燒添38.8度，

叫大魔怪幫我買個6合1測試劑，

check過又冇中招，

星期日冇私家醫生睇，

只好食住退燒藥先，

要捱到星期一先睇到醫生；

食咗藥簡直大昏迷，

感覺成個人好似坐在船上，

响個大海度蕩來蕩去咁樣；

連續燒咗3日，

到今日星期三先退燒咋!

呢幾日我過冇咩嘢食過，

喉嚨痛完全冇胃口，

老公每日買個麵包俾我吊命，

至於老公和大小魔怪食咩，

佢哋自己攪掂喇!

再唔係就買飯盒，

今日我精神好D，

就煲粥食呀!

大家可以入嚟Facebook讚下我新開嘅Fans專頁呀!
 

雀后(添飯)Facebook Fan Page