噚日參加朋友公司舉辦嘅睇樓團，
包車包酒店住1晚，
仲包埋4餐添呀!
咁抵玩，
緊係唔少得我和老公啦!
噚日朝早9點30分係深圳香格里拉酒店大堂等，
坐車到惠東雙月灣食午餐，
連司機10個人食，
朋友就加咗窰雞、涼瓜牛肉和炒菜芯。
食完午餐後就去睇樓盤~卓越御山海，
有團友有興建，
sales都好落力傾銷，
傾咗好耐，
我哋呢D陪人睇樓就冇咩事做，
坐坐下就好肚餓，
叫咗美團外賣食少少嘢。
夜晚返到酒店都成9點囉!
放低行李就去搵宵夜食，
呢餐宵夜超抵食358人仔，
全部大大碟，
(有碟炒米粉冇影相)
我哋8個人食極都食唔完，
真係飽到上心口呀!
返酒店好鬼攰，
沖完涼吹完頭都成12點幾喇!
今天8點30分要集合食早餐，
呢餐早餐6個人去食，
其餘2個人繼續瞓覺，
呢個殺豬粉其實就係豬雜粉，
真材實料，
真係好好味道架!
準時9點30分出發去惠州西湖閒逛，
呢度我好熟，
所以帶大家先去西湖步行街，
咁啱又有攤位展宵會，
不過我哋嚟到太早，
好多攤位正在準備中；
之後就去咗梅菜街買梅菜喇!
呢間梅菜檔我成日去買，
D梅菜好鬼靚，
我買最靚梅菜原本14蚊人仔1斤，
依家13蚊人仔賣俾我，
其他團友都有買，
滿載而歸呀!
行咗去西湖一陣就已經落雨，
我哋於是回程去仲愷另一個大商場行咗個圈就去食午餐，
呢間味派我哋食過好多次，
水準一樣保持到，
好味道呀!
免費雪條任食，
我揀咗食綠豆雪條呀!
之後去睇另一個樓盤，
竟然見到威利同朋友一齊睇樓，
仲同我哋一齊影相添。
我哋回程經蓮塘口岸過關，
買咗雞和燒肉，
我哋6點半左右去買燒肉，
燒肉特價40蚊人仔有1斤，
老公就買咗兩盒平平哋嘅燒肉，
25蚊人仔有兩盒，
佢話用嚟炆冬瓜豆腐卜特別好食喎!
而我係惠州步行街梅菜街買咗梅菜外，
仲有五指毛桃、牛大力和蝦米。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!