2015年2月28日 星期六

慢半拍~one pot pasta


前排網絡大熱嘅one pot pasta,

今日我先至有時間整;

用咗屋企已有嘅材料,

加埋我亂嚟嘅調味,

哈哈,

大小魔怪好鐘意食喎!

唉,

整得咁少,

我又冇份食啦!



2015年2月27日 星期五

炒三絲


炒三絲,

其實有好多配搭架,

今次我見雪櫃有咩材料,

咪攞嚟炒囉!

慳水又慳力呀!



2015年2月26日 星期四

螞蟻上樹


螞蟻上樹,

其實咪即係肉碎炒粉絲,

今次加埋冬菇和蝦皮,

即刻升呢,

好惹味呀!

2015年2月25日 星期三

蘿勒青醬蘑菇意粉


今日初七人日,


祝大家生日快樂呀!


簡單煮咗碟蘿勒青醬蘑菇意粉做午餐,


大魔怪食咗2碟,


好滿足啊!





祈祈4歲生日啦!


2月18日,

姨甥女祈祈4歲生日啦!

今日妹妹為祈祈補開生日會;

祝祈祈聽聽話話,

快高長大,

唔好再發小姐脾氣啦!



2015年2月22日 星期日

2015惠州過年

 
初三朝早,
 
我、老公、姑奶和大伯齊齊北上,
 
差不多連續8、9年我哋都會返惠州,
 
感受下鄉間過年嘅熱鬧和氣氛,
 
放煙花爆炸真係好常見架!
 
 

2015年2月21日 星期六

大年初三

 
今日唔煮飯囉!
 
因為我、老公、姑奶和大伯一齊返惠州過節,
 
老公星期一攞唔到假,
 
明天要同其他人逼返香港呀!
 
噚晚我哋去姐姐屋企拜年,
 
姐姐姐夫為我哋準備咗一餐美味餸菜,
 
少有係姐姐下廚,
 
(不過有部入係姐夫準備的)
 
俾個讚佢呀!
 

2015年2月20日 星期五

大年初二

 
今日大年初二,
 
一早落街買雞,

點知雞檔冇開,

唯有買盒白切雞返嚟,
 
煮咗餐簡簡單單嘅開年飯。
 
點解又係呢D餸架???
 
嘻嘻,
 
過年係咁架啦!
 
 
 
 

2015年2月19日 星期四

大年初一

 
今日係大年初一,
 
又係朱家全素的日子;
 
食過初一早飯,
 
我哋又要出動去拜年啦!
 

 

2015年2月18日 星期三

新年快樂

 
今日年三十,
 
我雀后祝大家:
 
心想事成、
 
萬事如意、
 
步步高陞、
 
身體健康、
 
笑口常開、
 
財源滾滾、
 
新年快樂呀!
 
 

 
 
 

 
大家可以入嚟Facebook讚下我新開嘅Fans專頁呀! 
 
 
 

2015年2月17日 星期二

素湯~姬松茸蓮藕淮山蜜棗湯

 
我呢個懶媽媽,

真係好耐冇煲素湯俾大魔怪飲囉!

所以今日即刻搵齊材料,

煲咗姬松茸蓮藕淮山蜜棗湯;
 
滾起即聞到姬松茸香味,
 
香噴噴呀!


2015年2月16日 星期一

蠔油肉碎燴豆腐

 
好鐘意煮呢個蠔油肉碎燴豆腐,
 
簡單好味,
 
用嚟撈飯真係一流,
 
快靚正呀!

 

2015年2月15日 星期日

2015朱家團年飯

 
今年團年同往常一樣,
 
母親大人和妹妹一家都會嚟一齊過年;
 
第一次煮乾鮑,
 
都好嘥時間去處理呀!
 

 

2015年2月14日 星期六

賀年準備(三)~2015朱家製蘿蔔糕

 
噚日去街市買白蘿蔔,
 
嘩,
 
成個街市好逼人,
 
買菜俾錢都要排廿幾人;
 
早D買定靚靚蘿蔔,
 
今朝一早就可以開工啦!
 
年年都係呢個配方,
 
亞媽教落~五斤蘿蔔1斤粘米粉,
 
想削D就要加多少少蘿蔔啦!


2015年2月13日 星期五

雜菜咖哩雞

 
突然好想食辣嘢,
 
唔好理咁多,
 
一於煮煲咖哩雞,
 
配埋香酥餅,
 
過下口癮先得!

2015年2月12日 星期四

淮山杞子圓肉花膠雞腳湯

 
今日靚湯~淮山杞子圓肉花膠雞腳湯。

屋企有齊哂所有材料,

剩係買舊豬展返嚟就即刻可以煲啦!

都係果句啦~女人係要補架!

哈,

小魔怪真係識食,

唔單只飲湯,

仲專揀食花膠,

唔通佢都想補下???
 


2015年2月11日 星期三

賀年準備(二)~炸印尼蝦片

 
見開油鑊炸腰果,


咪順便炸埋印尼蝦片囉!


過年時用嚟招呼親朋好友,


好受歡迎架!


印尼蝦片,


係賣印尼食品舖頭買,


$30盒呀!


 

2015年2月10日 星期二

賀年準備(一)~炸腰果

 
開始準備一下過年嘅食品啦!
 
例牌指定動作~炸腰果。
 
今年買到靚靚腰果$68斤,
 
足秤兼大粒,
 
真係幾難先遇到咁靚架!
 
炸完腰果,
 
要快D收埋我呢樽寶貝,
 
唔係未到過年就會俾人偷食架啦!
 
嘻嘻!

我驚連我自己都忍唔住偷食埋一份呀!

2015年2月9日 星期一

冬菇瑤柱炆豬肉

 
師奶即係師奶,
 
見平就買埋買埋一大堆嘢;
 
幾日前大掃除,
 
俾老公發現咗我買咗好多冬菇返屋企,
 
下令一定要清喎!
 
軍令如山,
 
不得違抗!
 
如果加埋生菜墊底,
 
咁就可以做一個賀年餸啦!
 
 

2015年2月8日 星期日

常嚐素pizza

 
今日工人姐姐放假,
 
我煮咗午餐和茶點,
 
晚餐???
 
我都放假囉~叫外賣!
 
就大魔怪食素,
 
叫咗常嚐素4人pizza餐$218,
 
見冇菜,
 
灼個素蠔油生菜,
 
又攪掂一餐囉!
 
地址~天水圍嘉湖新北江商場一期地下A68~A70舖
 
電話~34878821
 
 

2015年2月7日 星期六

鱆魚雞粒冬菇煲仔飯


呢個鱆魚雞粒冬菇煲仔飯,
 
本來係昨晚晚餐,
 
點知全家男士都唔返嚟食飯,
 
唯有改為今日食啦!


2015年2月6日 星期五

銅鑼灣滿屋

 
今日約咗朋友仔去食日式放題,
 
地點係銅鑼灣廣場2期8樓。
 
呢隻D魚生唔錯架,
 
不過每次叫帶子刺身時,
 
佢都唔會俾多,
 
叫10件嚟得3件,
 
叫20件就嚟6件,
 
所以食得唔夠喉囉!
 
午市日式放題$188兼要加一呀!
 
 
 

2015年2月4日 星期三

麵飽製作精選實習高班~第十堂

 
終於到最後一堂啦!
 
今次學整湯種包~叉燒包和紅豆包!
 
雖然話就話最後一堂,
 
不過我哋報咗另一個麵包課程,
 
遲下又可以見到亞sir啦!
 

2015年2月3日 星期二

沙爹雞扒

 
過年前,
 
要快快手清理雪櫃物資,
 
尤其係一樽樽醬料,
 
咁就可以有位擺過年食品啦!
 
提外話,
 
真係好鐘意呢隻Jimmy's沙爹醬,
 
超惹味呀!
 
 

2015年2月2日 星期一

西洋菜甘筍陳腎馬蹄南北杏蜜棗豬展湯(加陳皮和瑤柱)

 
西洋菜湯係我至愛湯水之一,
 
最鐘意加埋陳腎(咸鴨腎)一齊煲,
 
真係飲好多碗都唔夠喉架!

所以即刻攞番個大湯煲出嚟,

咁應該都夠我飲囉!

呢個湯有清熱潤肺、化痰、下火、潤腸通便等功效!


2015年2月1日 星期日

惠州買餸

 
星期六,
 
我、老公和姑奶又一齊返惠州,
 
睇鄉下間屋裝修情況;
 
下午返到弟婦屋企,
 
佢已經整定好嘢俾我哋食~客家東坡肉!
 
老公食到唔停得口呀!