6月28~6月30日，
我、老公和姑奶3個人返咗惠州，
响羅湖搭大巴返惠州65人仔，
車程1小時15分鐘，
之後搭的士直接去隆生金山湖中心食午餐；
隆生金山湖店～膳益豬肚雞，
美團165套餐，
3人份食得好滿足，
有豬肚雞煲、菜、煲仔飯、霸王蝦餃、肥牛和酸梅湯。
今日又用我淘返嚟嘅方便醬整紅燒排骨呀!
加咗2個薯仔落去一齊炆，
食薯仔都食飽呀!
今日買咗35蚊攪碎豬肉，
整咗碟土魷蒸肉餅，
浸咗2隻土魷乾，
好鬼惹味呀!
炒多碟蒜蓉腐乳油麥菜苗，
開得飯啦!
今晚食得好簡單，
瑞士汁滷雞蛋雞翼，
蒜蓉菜芯炒魚片，
咸蛋白冬瓜肉片瑤柱粒湯。
近排我好鍾意係佳寶買呢包越南河粉，
$25有2包，
我試過放湯煮和炒，
今次都係炒嚟食，
雜菜肉碎魚片炒河粉，
灼完D河粉，
我用少少老抽和油撈一撈D河粉，
咁炒起嚟就唔會黐全呀!
記得盡量用筷子撈散D河粉，
用鑊鏟會好易炒碎D粉架!
呢排天氣咁熱，
朱家涼拌菜又出爐啦!
今日整咗涼拌麻辣雲耳青瓜，
冰冰涼涼，
爽爽脆脆，
夏天食就最啱喇!
開胃呀!
今日端午節假期，
母親大人和妹妹一家齊齊入嚟天水圍同我哋過節呀!
老火湯一定唔少得啦!
印尼椰子雪梨乾粟米紅蘿蔔雪耳南北杏煲豬腱，
蟲草花冬菇雲耳蒸雞，
鹵水鴨拼盆，
氣炸蝦醬雞翼，
XO醬西蘭花炒蝦仁，
勝瓜炒雞蛋，
5餸1湯，
白飯任裝呀!
噚日包糭留起咗少少咸蛋白，
今晚就用部份嚟滾個咸蛋白冬瓜肉片瑤柱湯，
煎咗塊三文魚扒和娃娃菜炒肉片，
兩餸1湯，
簡單又好味道呀!
陽過後，
好彩趕得切包糭；
其實之前我有諗過今年唔包糭架!
不過我見自己身體都好番八八九九，
又見街買嘅咸肉糭又貴又唔好食，
所以今日就開工包糭喇!
今年包咗29隻客家咸肉糭，
比以往包少咗一半份量，
量力而為，
明年再包過呀!
今日我終於可以出關喇!
睇到個天都特別藍呀!
一早去公園晨運後，
我就去買咗1.5磅牛肋條返屋企，
整我至愛嘅韓式炆牛肋條，
唔想食飯，
煮咗個蝦子麵配韓式牛肋條，
好味道呀!
今年父親節，
由於我中招唔可以出街嘅關係，
我哋一家四口唯有留家慶祝啦!
中午叫咗外賣嚟食，
到晚餐，
我就正正經經煮番餐飯嚟食呀!
我失蹤咗1個星期，
就病足1星期呀!
話說星期日6月11日朝早起身，
我已經覺得自己有D唔妥，
拿拿臨即刻做新冠測試，
又冇事喎!
可惜到中午，
我就開始發燒，
燒咗一日(12日)先check到中招呀!
今日煲冬瓜，
冬瓜粟米甘筍生熟薏米雞腳煲唐排；
冬瓜皮有利尿消腫功效，
所以連皮煲就最啱喇!
另外，
呢個湯仲有袪濕清熱和利尿等功效，
最啱呢個春夏天飲架!
今晚又係得我哋兩老食晚餐，
蒸咗碟大頭菜蒸鯇魚和灼菜，
我鐘意買鯇魚頭以下嘅部位，
因為佢個魚鲛位嘅魚肉真係好滑，
我超鐘意食呀!
今晚晚餐原本仲有一碟大頭菜蒸鯇魚，
點知大魔怪臨時話唔返嚟食飯，
好彩仲未蒸魚，
今餐有麵豉蒸排骨和灼菜芯，
兩個人夠食啦!
呢排D韭菜花好新鮮，
又脆又嫩，
我買咗$10韭菜花土魷肉絲，
今次唔記得落腰果，
如果落咗仲惹味呀!
天氣咁熱但又想飲湯，
煮呢個蕃茄雞蛋蝦滑湯就最啱喇!
快靚正，
唔使10分鐘就有得飲呀!
之前煮咗一大煲飯，
剩番D冷飯就嚟做炒飯，
今次整咗咸魚雞粒蛋炒飯，
用咸魚嚟炒飯特別惹味，
我唔敢食太多，
食一碗就夠架喇!
呢排香港天氣日日都三十幾度，
梗係要整D涼拌嘢食下啦!
今日就整咗一大盆雜錦大蝦沙律，
雪凍佢嚟食，
未食都覺得爽呀!
我見好耐冇食過牛仔骨，
於是買咗4條牛仔骨返屋企，
用韓國牛肉汁嚟炆，
簡單又好味道，
好送飯呀!
呢兩日香港天氣超級熱，
午餐食咩好???
今日食煎餃配日式冷麵，
涼浸浸，
食完麵都唔會出汗呀!
噚晚老公入房瞓時話冇冷氣，
唔怪得我覺得咁熱啦!
原來部冷氣壞咗，
我仲以為我有病添!
開咗風扇都頂唔順D熱氣，
唯有齊齊出廳瞓，
老公瞓梳化，
我就瞓地下；
點知差不多天光時落大雨行雷又閃電，
攪到我冇覺好瞓呀!
老公即刻搵人嚟整冷氣，
師傅好忙差不多黃昏5點半先嚟，
一check就話部冷氣冇得整，
換過部新冷氣好過啦!
即時可以安裝，
仲要係變頻式冷氣，
安靜、省電和恆溫，
承惠$4200(連安裝)，
裝好冷氣今日我就有覺好瞓啦!
新冷氣
