陽過後，
好彩趕得切包糭；
其實之前我有諗過今年唔包糭架!
不過我見自己身體都好番八八九九，
又見街買嘅咸肉糭又貴又唔好食，
所以今日就開工包糭喇!
今年包咗29隻客家咸肉糭，
比以往包少咗一半份量，
量力而為，
明年再包過呀!
材料: 糯米3斤、開邊綠豆2斤、咸蛋黃29隻、糭葉半斤、草1扎、
蝦米3兩、豬腩肉1斤、乾蔥頭3個
醃料: 豉油1.5湯匙、五香粉適量、糖2茶匙、紹酒1湯匙、
鹽1茶匙、老抽少許
做法: 豬腩肉去皮後切塊狀落醃料醃一陣；將乾蔥頭切絲，
落油爆香乾蔥蓉後，加蝦米、豬腩肉和2碗浸蝦米水，
略煮豬腩肉至收汁盛起待涼，放入雪櫃雪1晚；
糯米和綠豆洗淨後起碼浸6個鐘，倒去多餘水份，
糯米和綠豆各要加2湯匙鹽和2湯匙油撈勻；
然後烚糭葉和草；準備好哂所有材料，就可以包糭啦!
每轉烚糭大約1.5小時。
大家可以入嚟Facebook讚下我新開嘅Fans專頁呀!
好味呀
回覆刪除自己包糭特別真材實料呀!
刪除豬腩肉煮過先包係唔係會香口D? 以前我父母係落生五花肉, 仲落腊腸,花生,東菇,
回覆刪除我記得以前好似要烚大約4~5小時, 你烚1.5小時咁快既?
因為客家糭嘅豬肉係用蝦米和乾蔥炒香先包，咁D肉會入味好多架!
刪除另外客家糭係長方形，唔太厚，好易熟呀!
好靚呀
回覆刪除仲幾好味道添架!
刪除