呢排香港天氣日日都三十幾度，
梗係要整D涼拌嘢食下啦!
今日就整咗一大盆雜錦大蝦沙律，
雪凍佢嚟食，
未食都覺得爽呀!
材料: 薯仔7個、急凍大蝦18隻、小青瓜3條、粟米粒1盒、甘筍1條、雞蛋4隻
調味: 鹽少許、BB蛋黃醬5~6湯匙、煉奶1湯匙
做法: 雞蛋、薯仔和甘筍放入鍋內加水煮滾；甘筍煮5分鐘後撈起去皮切粒；
雞蛋烚15分鐘後撈起浸水去殼；青瓜去皮切粒；
罐頭粟米粒隔水後，放入碟內蒸5分鐘；急凍大蝦解凍後蒸熟切粒；
薯仔烚30分鐘後撈起去皮(烚嘅時間要視乎薯仔大小而定)；
薯仔去皮和雞蛋去殼後切粒；將所有材料放入大盆內，
落BB蛋黃醬和煉奶撈勻，放入雪櫃雪半日或以上便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!