噚晚老公入房瞓時話冇冷氣，
唔怪得我覺得咁熱啦!
原來部冷氣壞咗，
我仲以為我有病添!
開咗風扇都頂唔順D熱氣，
唯有齊齊出廳瞓，
老公瞓梳化，
我就瞓地下；
點知差不多天光時落大雨行雷又閃電，
攪到我冇覺好瞓呀!
老公即刻搵人嚟整冷氣，
師傅好忙差不多黃昏5點半先嚟，
一check就話部冷氣冇得整，
換過部新冷氣好過啦!
即時可以安裝，
仲要係變頻式冷氣，
安靜、省電和恆溫，
承惠$4200(連安裝)，
裝好冷氣今日我就有覺好瞓啦!
新冷氣
舊冷氣
夜晚冇煮飯，
求其落街買個兩餸飯，
簡簡單單又一餐!
大家可以入嚟Facebook讚下我新開嘅Fans專頁呀!
落完雨應該冇咁熱
回覆刪除落下後又濕又熱，仲難頂呀!
刪除如果無左冷氣嘆，夏天咁熱嘅天氣，真係唔知點過至好。
回覆刪除咁熱嘅天氣，冇冷氣真係瞓唔到覺架，因為家家戶戶都開冷氣，一開窗D熱氣就撲埋嚟架!
刪除香港地叫師傅維修仲貴過乜, 零件難配人工又貴, 貼小小錢買新好過~
回覆刪除剩係上樓檢查冷氣機都收$150，再要維修嘅話就要睇有冇零件，冇零件就要再等唔知幾耐先嚟整到，咁攪法不如換機好過啦!呢部冷氣機用咗8年左右，都係時候要換呀!
刪除