2015年9月30日 星期三

煎蠔餅(走芫茜版)


小魔怪話想食蠔餅已經好耐,

見佢呢排做嘢咁辛苦,

一於整餐好嘢俾佢食啦!

係天耀街市買嘅珍珠蠔,

粒粒肥嘟嘟,

又幾好味喎!



西餅、蛋糕製作精選實習班(十)~第二堂


意大利青瓜合桃蛋糕&士多啤梨雪糕,

一個健康,

一個美味,

我鐘意美味多D囉!



2015年9月29日 星期二

韭菜花炒魷魚乾


唔知點解,

我和大小魔怪越來越鐘意食韭菜花,

不過老公就麻麻哋喇,

仲話好似食緊草一樣,

哈哈,

唔通我哋係牛!


2015年9月28日 星期一

中秋BBQ


每年中秋,

我哋都會去咗姐姐度BBQ,

兼順便慶祝姨甥仔生日,

今年姨甥仔已經17歲,

祝佢出年考DSE成功順利入到心儀嘅大學呀!

姐姐錫哂大魔怪,

專登買咗好多菇、翠肉瓜和茄子俾大魔怪,

唔驚佢會餓親;

我就煲定大大煲羅漢果水,

等BBQ後可以潤番下呀!


2015年9月26日 星期六

中秋節快樂~自製冰皮紅荳蓉月餅


多謝Dimcook點煮網連續兩年送上冰皮月餅禮盒套裝;

經過上年失敗嘅經驗,

今年再接再厲,

依照說明書做法,

希望成功啦!

祝大家中秋節快樂呀!


2015年9月25日 星期五

黑豆蓮藕豬展紅棗湯


黑豆營養豐富,

有抗衰老、通血管、補血養顏等功效,

配上清熱生津、補益脾胃嘅蓮藕,

秋天又有靚湯水~黑豆蓮藕豬展紅棗湯!


2015年9月24日 星期四

粟米肉碎燴豆腐


次次買粟米都係3條1份,

用嚟煲湯一定會用唔哂,

咁唯有拆粒放入冰箱,

隨時都有粟米粒用啦!

唔覺唔覺粟米粒都儲咗唔少存貨,

係時候要清一清囉!





2015年9月23日 星期三

魚香茄子


前日整客家釀苦瓜用剩咗咸魚肉碎,

就用佢嚟煮個惹味又送得飯嘅魚香茄子啦!

嘩,

辣辣哋,

今次真係要添飯囉!


2015年9月22日 星期二

蜜糖雞翼


自9月份開始返實習後,

小魔怪好耐冇係屋企食住家飯囉!

噚晚簡簡單單整咗蜜糖雞翼俾佢食,

佢話好耐冇食過呢個味道,

媽媽的味道!



2015年9月21日 星期一

客家釀苦瓜


惠州買番嚟嘅苦瓜長而幼身,

最啱就係用嚟釀肉架啦!

無論釀豆腐或釀苦瓜,

客家人都鐘意將肉餡加乾蔥頭和咸魚,

煮起嚟特別惹味架!


2015年9月20日 星期日

芥菜黃豆咸排骨煲


今次買咗唐排煮呢個芥菜黃豆咸排骨煲,

煲完啖湯真係好甜,

加埋煲到淋一淋的芥菜和黃豆,

真係唔使食飯都夠飽呀!

芥菜是熱不是寒

想知多D click入紅色字睇下啦!




2015年9月19日 星期六

惠州~霍家農家菜


噚日大伯娘和我返咗惠州辦事,

唔想咁趕咪小住一晚囉!

中午去弟婦家食飯,

晚餐緊係唔煮啦!

嘻嘻,

因為掛住開枱打牌,

冇人煮飯呀!

介紹一下呢排我哋係惠州嘅飯堂啦!

一間由村屋改裝的農家菜,

普普通通裝修,

家庭式經營,

緊係要支持支持啦!

最重要係抵食又大碟,

呢度5餸1湯加白飯二大兜加一支蘋果醋,

都係食咗260蚊人民幣,

超抵呀!



2015年9月17日 星期四

香草雞髀配雜菜白汁蘑菇意粉


老公去咗廣州公幹,

大小魔怪又要返學,

我以為今年舊曆生日會一個人靜靜雞過,

點知今日大小魔怪都唔使返學,

好嘢,

有人陪我食嘢囉!

童年願望~生日食雞髀,

好滿足呀!


2015年9月16日 星期三

西餅、蛋糕製作精選實習班(十)~第一堂


連續幾個課程都係學搓麵包,

終於可以轉轉學整西餅和蛋糕,

噚晚係第一堂~蘑菇雞批、迷迭香曲奇。


2015年9月14日 星期一

紅蘿蔔雪耳無花果豬展南北杏蜜棗湯


我最鐘意就係秋天架啦!

涼涼爽爽冇咁熱;

今日煲呢個紅蘿蔔雪耳無花果豬展南北杏蜜棗湯,

有潤腸通便、健脾、清潤止咳等功效。


2015年9月13日 星期日

叉燒


朱家叉燒又出爐,

唔使問好唔好食,

見小魔怪密密食,

就知到答案啦!


2015年9月12日 星期六

素蓮藕餅

星期六冇節目,

唯有整嘢食啦!

今日整咗個素蓮藕餅,

食落爽脆內軟,

味道唔錯架,

妳哋都試下啦!



2015年9月11日 星期五

老友鬼鬼聚會~海景嘉福酒店自助午餐


噚日同老友去咗尖沙咀海景嘉福酒店咖啡廳食lunch buffet,

食物冇驚喜,

種類又唔多,

原來平日下午係冇生蠔食架!

好彩都仲有長腳蟹,

唔係就真係唔多抵喇!

老友入咗會有7折,

額外加個果汁任飲,

埋單每人$288左右啦!

(噚日戰鬥力麻麻,食得好少嘢呀!)


2015年9月10日 星期四

2015年9月9日 星期三

日式咖哩肥牛


係日本沖繩買咗幾盒甘口日式咖哩返嚟,

唔想煮雞,

唯有煮牛牛啦!

日式咖哩肥牛飯,

嘻嘻,

咁又一餐囉!



2015年9月8日 星期二

瑞士汁椰菜豬頸肉炒烏冬


呢排小魔怪都會食埋午餐先返工,

所以我會煮D簡簡單單又飽肚嘅嘢食;

今朝就炒咗個烏冬俾佢,

自己炒冇出街食咁多油,

健康好多架!


2015年9月7日 星期一

釀苦瓜


老公好鐘意食苦瓜,

佢鐘意苦瓜嘅甘苦味,

唔苦唔好食喎!

我就麻麻哋鐘意食喇,

我會加少少鹽將個苦瓜出出水,

炆起個苦瓜會冇咁苦架!


2015年9月6日 星期日

素湯~羅漢果菜乾湯


喉嚨乾乾哋,

見仲有半個羅漢果係雪櫃,

即刻買定材料煲個羅漢果菜乾湯,

加埋甘筍、粟米、馬蹄、南北杏和蜜棗,

呢個湯水好潤喉架!



2015年9月5日 星期六

生日快樂


    嘩嘩嘩,

    今日收到超過100個生日祝福(包括facebook和whatsapp),

    好感動啊!

    我會將大家嘅祝福好好收藏係心裡面,

    我亦祝大家身體健康,

    繼續添飯呀!

    哈哈!

    講返噚日返惠州,

    過咗一個開心嘅一晚,

    唔講係大殺三方,

    做亞二都唔錯架!

    晚餐又係飯堂開餐,

    7個人食都係260人仔埋單,

    抵啦!

     


2015年9月3日 星期四

日式麵包制作精選實習中班(十)


日式照燒豬柳包&東瀛千層麵包;

原本豬柳包係包三角形架,

但焗出嚟竟然變咗心形,

哈哈,

又幾靚喎!


2015年9月2日 星期三

豆角蘑菇煎蛋卷


大魔怪就嚟要住宿舍,

等我煮多D素菜俾佢食先得;

不過我都唔使驚佢冇啖好食,

因母親大人話會叫大魔怪多D上去妹妹家食飯,

仲會煲定靚素湯俾佢飲添,

真係唔該哂呀!

2015年9月1日 星期二

茄汁菠蘿腸仔(素食)


唔講真係會食唔出呢條芝士腸係素食嚟架!

除煮麵食時加幾條落去之外,

聽素友話用佢嚟打邊爐都好正架!

今次我就用佢嚟整個兒時小食~菠蘿腸仔!

加咗少少茄汁落去,

酸酸甜甜,

好開胃架!