咸魚雞粒蛋炒飯

之前煮咗一大煲飯，

剩番D冷飯就嚟做炒飯，

今次整咗咸魚雞粒蛋炒飯，

用咸魚嚟炒飯特別惹味，

我唔敢食太多，

食一碗就夠架喇!

材料: 冷飯4碗、咸魚適量、雞扒1塊、雞蛋3隻、蔥粒、菜芯適量

醃料: 豉油半湯匙、糖1茶匙、生粉1茶匙、麻油少許

調味: 蒸魚豉油、幼鹽少許

做法: 雞扒去皮切粒，落醃料醃半小時；雞蛋發勻；咸魚切粒；菜芯切碎；

燒熱鑊落雞蛋快炒至9成熟後盛起；原鑊落雞粒炒至熟後，

落咸魚和菜芯炒香，加埋冷飯和雞蛋炒至粒粒分明後，

最後落調味炒勻便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page