麻辣手撕雞

噚日大小魔怪叫咗半隻外賣手撕雞，

份量少到我哋3個人夾咗幾次已經冇哂，

食得超唔夠喉囉!

所以我今日即刻買咗1隻冰鮮雞嚟整麻辣手撕雞，

隻雞拆完肉舖滿成個碟，

淋上麻辣油和炸花生粒，

越食越惹味呀!

(昨日外賣手撕雞)

材料: 雞1隻、蔥絲、蒜蓉、鹽1.5湯匙、熟芝麻

調味: 麻辣油3茶匙、豉油1湯匙、糖半茶匙、醋1湯匙、麻油適量

做法: 將雞清洗乾淨後，落鹽醃勻雞身內外，放入雪櫃雪半日；

從雪櫃取出雞待室溫45分鐘，放入熱水鑊內蒸25分鐘後，

熄火唔開蓋焗多5分鐘，取出雞待涼拆絲；

將滾油淋在蒜蓉面，加入調味攪勻成麻辣油；

舖上蔥絲、淋上麻辣調味和熟芝麻，最後灑上花生便成。

   

大家可以入嚟Facebook讚下我新開嘅Fans專頁呀!

雀后(添飯)Facebook Fan Page