2010-2011聖誕北海道之旅~第五日!

 

2011年1月2日星期日，
今日係嚟北海道玩嘅最後一日，
好唔捨得呀!
好想繼續玩耐D。
今日第一個行程去白之戀人朱古力趣緻城和玩具博物館。

攞住塊特大嘅白之戀人影相張先得!
下面個D係整蛋糕嘅配件嚟o架!
好精緻，好靚呀!

呢度D蛋糕好鬼吸引，
可惜食飽飽咗早餐，
如果唔係我實食番件o架!
跟住我哋就去咗玩具博物館啦!
呢度D玩具，
有好多年紀大過我o架!

10點正，
白之戀人戶外有音樂show睇。

食咗杯好creamy嘅雪糕後，
又係令姐姐瘋狂嘅行程，
行狸小路商店街和地下城啦!

係狸小路就慘啦!
我同母親大人又唔鐘意買嘢，
又大風，又凍，
百無了賴走到地下街行行企企，
咁就逗留咗2個半鐘。

咁多日旅程中，
今餐係唯一自費食嘅一餐，
之前大家都諗住食好Do架!
不過大家用錢都用得七七八八，
唯有食碗拉麵就算啦!
呢碗叉燒拉麵都唔平o架!
好似要960YEN，
仲食埋2個冬甩先去機場。
去到機場，
影番張日本戰利品先!
靜靜雞話俾大家知，
我哋又係坐Busniess class，
由年尾好運到年頭呀!

我半個喼去，
1個大喼加一個急凍海鮮盒寄艙，
2個handcarry攞上機，
仲慘冇人接我機，
算啦!老公病咗嘛!
最後佢係天水圍巴士站接我呀! 

 

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page