2010年1月31日 星期日

自製蘿蔔糕!

 
近呢5年嚟,
 
每逢農曆新年前,
 
我都會自己整D賀節食品,
 
因為街買嘅糕糕越來越貴兼唔好食;
 
雖然我未必次次整得靚和好味道,
 
不過自己就好享受整嘅過程啊!
 
嘻嘻!我成年都冇整過,
 
今日就借機會試一次,
 
年27或28再做過。
 
母親大人教落5斤蘿蔔一包粉嘅份量最啱,
 
我年年都係跟呢個口訣o架!
 
蒸完一盆即刻出街搵母親大人試試味兼打牌呀!

 



自製蘿蔔糕
 
 

材料: 蘿蔔、粘米粉一包、臘腸4條、臘肉1條、
 
蝦米大半碗、薑數片、冰糖1小粒和浸蝦米水大半碗
 
調味: 鹽、胡椒粉做法: 蘿蔔去皮洗淨刨絲;
 
臘腸、臘肉蒸熟連同蝦米切粒備用;唔落油爆臘味後,
 
加薑片炒蘿蔔絲滾後加臘味、冰糖、鹽和胡椒粉,(如水多不用加蝦米水)
 
最後將1包粘米粉逐少加入蘿蔔絲裡,不斷攪拌至粉和蘿蔔絲混合為止,
 
隔水蒸1小時至1小時半左右便成。
 
(因應鍚紙盆的大小而定)
 
(隨喜可加蔥和芫茜)
 
 

  
  

大家可以入嚟Facebook讚下我新開嘅Fans專頁呀! 

 


 
 

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!