呢幾個星期日，
買星島日報都有食譜送，
等我又多咗D煮食靈感。
昨晚我就煮咗呢個餸~梅菜炆雞!
雖然我冇跟足食譜嚟煮，
而且賣相唔係幾相似o架!
不過食落好惹味!
材料: 雞一隻、梅菜2棵(甜)、薑2片和紹酒少許
醃料: 豉油、老抽、糖、粟粉、麻油各少許
調味: 豉油1湯匙、老抽半湯匙、糖1茶匙、粟粉1茶匙和1碗水
做法: 雞洗淨斬件，用醃料醃半天；梅菜浸洗切粒備用；
凍油落24cm Le-creuset 湯煲，爆香薑片，加雞炒香贊1湯匙酒，
加梅菜和調味炆15分鐘便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!