香煎腐皮卷!

今日星期六，

又係要返工嘅日子，

好彩我1個月返一日星期六咋!

其餘的差不多五天工作，

都幾唔錯o架!

放工又逛街市，

見到樣好耐冇食嘅嘢~沙葛。

材料: 沙葛1個、芽菜1斤、紅蘿蔔1個、椰菜半個、木耳2大片、

冬菇5隻、腐皮2塊和蒜蓉

調味: 蠔油2湯匙、豉油1湯匙、老抽半茶匙、1茶匙、鹽半茶匙、

粟粉1茶匙和1碗水

做法: 沙葛和紅蘿蔔去皮切絲；木耳和冬菇浸軟切絲；

芽菜去頭和根，燒熱水灼一灼芽菜瀝乾水份備用；

用濕毛巾抹腐皮兩面和修硬邊對摺一開八；

燒熱油鑊爆香蒜蓉加所有材料炒勻(除芽菜)，加入調味煮至收汁，

最後加芽菜炒勻後上碟，待涼後將餡料包入腐皮，

用少少粟粉水封口，燒熱易潔鑊落少許油，

慢火煎腐皮卷至兩面金黃色便成。

(食時可點喼汁或蠔油或上湯埋獻都得o架!)

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page