2010年8月8日 星期日

胡椒餅!

係台灣和澳門食過好味道嘅胡椒餅後,
真係好鬼難忘啊!
香港好似唔多有胡椒餅食,
咁唯有靠自己啦!
又俾我搵到呢個私家廚房教人整胡椒餅,
膽粗粗的我又開工啦!
不過部份材料如香菇粉屋企冇呀!








材料:
油皮: 麵粉、水、油、鹽、酵母、糖
油酥: 低筋粉、油
材料: 豬肉碎、蔥粒、薑蓉、芝麻
醃料: 豉油、老抽、糖、粟粉、五香粉、胡椒粉、
黑胡椒粉、麻油、紹酒
做法: 將油皮材料麵粉和鹽攪勻;酵母、水和糖用暖水開勻靜待15分鐘;
將酵母水倒入麵粉中搓成糰後,加少許油再搓一會兒,
用保鮮紙蓋好等發酵30分鐘;然後搓油酥皮;
加醃料醃豬肉碎、蔥粒和薑蓉;將兩種麵糰平均分8份,
油皮搓成圓球將油酥包入中間,疊起兩邊捲成條狀, 
用木棍輥平再捲成條狀,重複兩次後將肉餡包入粉糰中,
預熱焗爐200度15分鐘;在粉糰中掃上水和芝麻,焗30分鐘便成。

 
  
大家可以入嚟Facebook讚下我新開嘅Fans專頁呀! 

沒有留言 :

張貼留言

如果大家覺得我煮嘅餸菜啱哂口味嘅話,不妨留個言,鼓勵下我啦!