懶蟲?懶蟲!

今晚老公唔返嚟食飯，

我呢條大懶蟲又出現啦!

唔係好想煮飯添!

昨日見T&P教煮白汁，

今日即刻試整呀!

第一次整白汁，

好緊張呀!

雖然樣衰衰，

不過味道又真係好似罐頭蘑菇湯咁呀!

                                    

材料: 2盒低脂鮮奶、麵粉和牛油各1匙羹、蘑菇、

雞髀肉2塊和螺絲粉1包

醃料: 豉油、糖和粟粉

做法: 雞髀肉去皮切絲用醃料醃半小時；蘑菇切片備用；

用易潔鑊炒香牛油加麵粉炒約2分鐘，

逐次加入2盒叮熱嘅低脂奶慢慢攪勻；

麵粉溶於奶後加蘑菇和雞肉煮滾，加鹽調味；

 我鐘意浠浠哋嘅汁，所以加多咗1碗水。         

唔夠食就焗多個照燒汁焗雞翼，

今餐冇菜喎!

算啦!懶得就懶嘛!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page