今日老公和我參加業委會舉辦嘅大嶼山寶蓮寺&大澳一日遊，
9點坐旅遊巴士直接上到大佛底，
唔使行樓梯，
正呀!
去到大佛緊係要入內參觀啦!
行完仲未夠鐘去食齋，
老公和我急急腳行去心經簡林，
影下相睇下風景。
差不多12點半，
食咗圍味道唔錯嘅齋菜，
聽講呢圍齋菜都唔平，
仲好大碟添架!
食完午餐，
有專人帶我哋入寶蓮寺內參觀，
萬佛殿和禪室，
仲可以出外面觀景台影相。
遊完寶蓮寺，
我哋坐旅遊巴士去大澳喇!
嚟到大澳，
又熱又曬，
攪到我冇心情shopping。
可能就係咁，
回程時我覺得wing wing地，
返到屋苑商場順便睇埋醫生，
唔check都唔知原來我發緊燒39.1度，
唉，
呢幾日真係要好好休息下囉!
大家可以入嚟Facebook讚下我新開嘅Fans專頁呀!
天氣熱要保重身體！
回覆刪除現在天氣真係好熱，要飲多些水，祝早日康復！
回覆刪除我去過大佛幾次，但無入過心經簡林。寶蓮寺齋菜出名貴。另一間最貴是慈山寺。
回覆刪除天氣熱要小心D呢~!
回覆刪除