今日見得閒冇嘢做，
攞個空氣炸鍋出嚟炸腰果先得!
由於第一次整驚失敗，
只攞咗200g生腰果嚟炸呀!
我冇預先浸洗或先將腰果出水，
就咁即接倒落氣炸鍋，
用160度炸6分鐘，
再用180度炸2分鐘，
其間需要搖一搖D腰果等佢哋平均上色；
第一次整覺得色水淺咗少少，
望落去覺得腰果好乾爭爭；
啱啱焗起時唔覺脆架，
不過放涼咗之後，
腰果就變得脆口，
但梗係冇用油炸咁脆口啦!
我落咗少少鹽係腰果面，
然後入樽慢慢食。
下次氣炸腰果前，
可以試下搽少少油係腰果面，
咁炸出嚟嘅腰果色澤應該會靚好多呀!
下次氣炸腰果前，
可以試下搽少少油係腰果面，
咁炸出嚟嘅腰果色澤應該會靚好多呀!
大家可以入嚟Facebook讚下我新開嘅Fans專頁呀!
腰果可唔可以洗一洗？定係買完返嚟唔洗就炸？
回覆刪除其實冇一定嘅方法去做，按自己經驗或習慣去做就得，
刪除今次我試渡洗唔出水呢個方法，下次我會試下先出水後焗嘅效果，
睇下邊個方法會好D呀!