2018年5月4日 星期五

大頭菜銅盤蒸雞


噚日係羅湖城食咗個銅盤蒸雞,

最鐘意就係佢蒸雞裡面有大頭菜絲,

食起嚟咸咸香香,

特別惹味架!

今日照板煮碗,

嚟個老翻先得,

可惜屋企冇銅盤,

咁用不锈鋼碟頂住先啦!

下次上大陸,

一定要去買番個銅盤返嚟先得!






材料:雞1隻、冬菇5隻、大頭菜半片、紅棗4粒、雲耳適量、杞子適量、

薑絲、蔥粒

醃料: 蠔油1湯匙、豉油1湯匙、鹽1茶匙、糖1茶匙、生粉1.5茶匙、

麻油少許、紹酒1湯匙

做法:雞斬件後洗淨;冬菇浸軟切絲;雲耳浸軟去硬蒂;

大頭菜浸30分鐘後切幼絲;紅棗去核切半;

將雞、冬菇、雲耳、紅棗、杞子、大頭菜、薑絲和調味撈勻後,

平均舖在大碟內,放入熱水鑊內用大火蒸25分鐘;

又或放入蒸焗爐內用110度蒸30分鐘,取出蒸雞後灑上蔥粒便成。 


 

大家可以入嚟Facebook讚下我新開嘅Fans專頁呀! 


8 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!