2018年5月1日 星期二

涼拌青瓜雲耳


呢幾日太陽伯伯好勤力,

日日都有成卅度,

朱家涼拌菜係時候出爐喇!

今日就整咗家人至愛嘅涼拌青瓜雲耳,

真係好爽啊!



材料: 青瓜1條、雲耳適量、辣椒仔1條、芫茜少許、炒香芝麻適量、蒜蓉

調味: 陳醋4茶匙、豉油2茶匙、麻辣醬1茶匙、糖1.5茶匙、麻油1茶匙

做法: 青瓜切開兩邊頭磨至有白液後洗淨,刨去部份青瓜,

用刀背拍扁青瓜,過大件嘅青瓜就用刀切成條;

雲耳浸軟後去硬蒂,燒熱水灼雲耳2分鐘後撈起,沖沖凍滾水備用;

把青瓜和雲耳用保鮮紙包好,放入雪櫃雪1小時;調味加蒜蓉預先攪勻;


取出青瓜和雲耳(隔乾水份)放入碟內,先淋上調味,舖芫茜和辣椒粒,

最後灑炒香芝麻便成。

~調味可能隨個人口味加加減減都得o架!


~鐘意食辣嘅朋友,可以加埋辣椒油呀!



 

大家可以入嚟Facebook讚下我新開嘅Fans專頁呀!  

6 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!