蘿蔔炆牛筋腩金錢肚

明天係母親節，

我哋黃氏3姐妹約埋母親大人齊齊慶祝呀!

每家人準備2~3個餸，

咁就唔使出街食同人逼啦!

今日我就整咗蘿蔔炆牛筋腩金錢肚，

隔日炆定，

仲入味呀!

材料: 牛肋條2磅、急凍金錢肚2磅、急凍熟牛筋1磅、蘿蔔1條、薑6片、

八角2粒、香葉4片、熱水3碗、老抽適量、紹酒1湯匙、老抽少許

調味: 柱候醬2湯匙、蠔油2湯匙、豉油2湯匙、豆瓣醬1湯匙、冰糖1大粒

做法:將薑2片和1湯匙紹酒加入凍水內，

放入牛肋條和金錢肚煮滾出水8~10分鐘，

取出沖洗後，將牛肋條和金錢肚切件；蘿蔔去皮切件；

凍鍋落少許油爆香4片薑和柱候醬，加入牛肋條和金錢肚炒勻，

落調味、八角、香葉和熱水3碗，

煮滾後轉小火慢慢炆1小30分鐘後熄火(記得熄火後唔好開蓋)；

飯前煮滾牛腩金錢肚，加蘿蔔和熟牛筋炆多45分鐘左右(中火煮滾後轉最小火繼續炆)，

最後加老抽調色便成。

~如果用普通煲炆嘅話，咁就要落多1~2碗水和炆耐少少啦!

~如果唔夠水嘅話，一定記得要加熱水；

~呢個餸炆定隔日食仲入味架!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page