蝦醬西芹雲耳炒雞柳

西芹是一種味道濃郁嘅蔬菜，

真係唔係人人忍受到佢嘅草青味道；

話說今朝我係廚房刨西芹時，

大魔怪經過廚房聞到味都掉頭走呀!

其實我以前都唔係好食西芹架，

但知道佢有降血壓嘅功效後，

每隔一星期都會買一次嚟食，

食落又唔係好難頂，

慢慢接受咗了。

想知更多，

可參考~西芹乃降血壓好幫手。

材料: 西芹半棵、雞扒1塊、雲耳適量、蒜蓉、3湯匙水

醃料: 豉油1茶匙、鹽少許、糖1茶匙、生粉1茶匙、麻油少許

調味: 蝦醬1.5茶匙、糖1茶匙

做法: 雞扒去皮切片落醃料醃30分鐘；

西芹刨皮後斜切備用；雲耳浸軟去硬蒂；

燒熱水落西芹和雲耳灼1分鐘後撈起，略浸凍水後瀝乾水份；

燒熱油鑊先落雞片略煎至兩面轉色或7成熟左右後，

加入蝦醬、蒜蓉、西芹、雲耳和調味炒勻，

落3湯匙水及加鑊蓋煮至雞柳熟或至汁濃便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page