昨日，大魔怪投訴我煮嘅咖喱唔啱佢食，
今早，攪盡腦汁，在街市行咗幾個圈，都唔知整咩嘢?
好在近日成日上網，睇見其他blog友煮嘅菜式，
可以作為參考。
行到魚檔，看見鮮魷魚，
諗起米飯班煮嘅蝦醬蒜蓉蒸鮮魷呢味餸，
於是便照著做。
蝦醬蒜蓉蒸鮮魷（加粉絲）
有時屋企有兩個唔同口味嘅人都幾麻煩；
食蒸排骨時，大魔怪喜歡有骨嘅排骨；
小魔怪就喜歡啖啖肉，唔要有骨。
蒜蓉豆豉醬蒸排骨
椰菜炒魚片
由於日日都要返工，所以唔係成日可以煲老火湯，
滾瓜菜湯和罐頭湯就有；
今日放假就選擇煲青紅蘿蔔螺片煲西施骨。
今餐，大魔怪非常滿意，連鮮魷都撈埋。
小魔怪都唔弱，大讚鮮魷好好味。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!