蜜糖芝麻雞翼

今日整咗呢碟蜜糖芝麻雞翼，

好想食脆脆嘅雞翼，

所以選擇用半煎炸方式嚟炸雞翼；

就係咁，

唔小心出咗少少意外，

當我放雞翼落油鑊時，

俾D滾油彈親隻手，

手指起咗個水泡呀!

唔得，

我要食多幾隻雞翼補償番先得。

呢碟雞翼食起嚟甜甜酸酸的，

好送飯架!

材料: 雞翼14隻、炒香芝麻適量、麵粉適量

醃料: 豉油1湯匙、鹽半茶匙、糖1茶匙、麻油少許、生粉少許

調味: 燒烤蜜糖2湯匙、豉油1湯匙、醋半湯匙、水3湯匙

做法: 雞翼解凍後用廚紙索乾水份，係雞翼面界2刀，落醃料醃30分鐘；

在雞翼面上撲上薄薄麵粉靜待10分鐘後，放入熱油鑊內炸至熟後盛起；

倒去鑊內多餘油份，加調味煮至大滾及至杰身後，

落雞翼快快拌勻上碟，最後灑上熟芝麻便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page