蝦醬通菜炒鮮魷

蝦醬通菜炒鮮魷，

好耐冇食過囉!

今日見街市有齊材料，

拿拿臨買返屋企啦喂!

材料: 通菜1扎、鮮魷魚2隻、蒜蓉、薑絲、糖適量

醃料: 薑汁、紹酒

調味: 蝦醬1湯匙、紹酒1湯匙(先撈勻)

做法: 鮮魷魚洗淨後切開肚，清理魷魚內臟後，去魷魚深色衣後，

洗淨後係魷魚肚內斜刀界花後切片，落醃料醃15分鐘；

燒熱水灼鮮魷至卷身後撈起，略浸涼水(常溫)冷卻魷魚免過熟；

通菜洗淨後切段；燒熱水加少許油灼通菜30秒或至軟身後，瀝乾水份備用；

燒熱油鑊加蒜蓉、薑絲和蝦醬爆香，落魷魚炒勻後，

加入通菜拌勻後，按個人口味落糖調味便成。

~唔同牌子蝦醬咸味都有分別，所以落蝦醬份量要自行調節呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page