西芹炒肉片

同豬肉佬熟D係唔同，

每次買豬肉，

話俾佢聽用嚟做咩，

如蒸、炒、炆、煲湯或焗叉燒等等，

佢都會揀舊靚肉俾我；

就好似今次我要買用嚟炒嘅豬肉，

佢就攞咗舊爽肉俾我，

食落有D似豬頸肉，

爽口的，

好味呀!

材料: 豬爽肉$20、西芹半棵、甘筍1條、蒜蓉

醃料: 豉油2茶匙、鹽少許、糖1茶匙、生粉1茶匙、麻油少許

調味: 蠔油大半湯匙、生粉1茶匙、水3湯匙

做法: 豬爽肉洗淨切片，落醃料醃1小時；西芹和甘筍去皮切條；

燒熱水落西芹和甘筍條出水1分鐘後撈起備用；

燒熱油鑊落豬爽肉爆香後，加入蒜蓉快炒至肉片兩面轉色，

落埋西芹和甘筍條炒勻後，加入調味煮至汁濃便成。

 
  

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page