星期六，
我同老公和姑奶3個人返咗惠州；
夜晚就同堂弟婦佢哋一齊食晚飯，
堂弟婦介紹我哋去食羊腩煲，
味道其實唔錯，
不過炆得唔係咁腍，
冇咩牙力就真係食唔到喇!
3斤羊腩煲、客家豆腐、炒油麥菜、荷豆炒肉片和1隻大咸雞(分2碟)，
都係食咗290人民幣，
又幾抵食喎!
星期日瞓醒，
老公話要去郊外行下，
約咗姪仔佢哋一齊去惠州羅浮山行下。
(網上圖片)
如果要行哂成個羅浮山景區，
真係行一日都行唔完，
我哋只係邊邊行下咋!
園內有得坐架空索道上下山，
一個字~怕!
所以冇坐呀!
行到1點幾，
求求其其係附近搵食，
買咗少少手信就返屋企啦!
返屋企抖咗一陣，
又約咗朋友帶我哋去搵食，
第一次食柴火炆鵝，
師傅即場炒俾我哋食，
味道唔使講，
真材實料，
好味道呀!
呢隻鵝有成10斤重，
得我哋4個人，
跟本係食唔哂架，
不過見到老板娘釀咗D豆腐好鬼靚(佢哋自己嘅晚餐)，
叫老板娘讓咗部份俾我哋食，
加埋鵝紅湯和自家種菜芯，
埋單收我哋270人民幣，
老公話平成咁，
一定要簽長約嚟食飯先得囉!
今次手信得堂弟婦自家種蕃薯和花生，
羅浮山百花草藥油，
客家婆紅豆豆腐花，
陳皮薑棗茶。
嘩！你又上咗大陸玩咁開心
回覆刪除一個月返一次，上去睇下間屋嘛!
刪除即場煮餸真材實料又熱辣辣特別好味喎 , 份量多又抵食 .
回覆刪除真係別有一番風味架!
刪除好多野食呀,全部都好味道呢
回覆刪除新鮮又好味道呀!
刪除香港剩食個羊腩煲送青菜都288，尼度竟然係一圍枱
回覆刪除咪就係囉，超抵食呀!
刪除呢次去買咁少手信，吾似雀后喎。
回覆刪除哈哈，冇咩時間去買嘢，不停咁食食食呀!
刪除真係勁抵食
回覆刪除抵食到呢，老公話要簽長約嚟食飯呀!
刪除我鍾意食鵝，香港都無新鮮的喇。
回覆刪除急凍鵝，一D都唔好食呀!
刪除即炒,好鑊氣,好似請咗個厨師返來咁正呀!
回覆刪除係呀，仲可以自己炒埋一份添呀!
刪除