咖哩炒飯

呢個咖哩炒飯，

冷飯、急凍蝦仁、午餐肉(半罐)、菜芯、雞蛋和咖哩醬(利川)，

所有材料都雪櫃度摷出嚟架!

嘻，

今餐打斧頭計劃，

又成功了。

材料: 冷飯3碗、急凍蝦仁1碗、午餐肉半罐、菜芯4條、雞蛋2隻

醃料: 鹽、胡椒粉、麻油各小許

調味: 咖哩醬1湯匙(利川)

做法: 蝦仁解凍後用廚紙抹乾水份，加醃料醃30分鐘；午餐肉切粒；

菜芯洗淨後切粒；冷飯放入微波爐叮2分鐘；

雞蛋加少許鹽發勻；燒熱油鑊落蛋快炒至7成熟後上碟備用；

燒熱鑊落蝦仁快炒至轉色，加午餐肉快炒後上碟備用；

原鑊加菜芯粒炒勻加2湯匙水煮至菜腍後，

落飯後盡量將飯炒散，加蝦仁、午餐肉、雞蛋和咖哩醬炒勻便成。

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page