是咁的，
工人姐姐差不多嚟咗二十二個月，
仲有2個月就到期；
因奶奶已申請到盲人安老院，
所以我哋都唔會同佢續約，
打算等佢自然滿約就算；
可惜近呢大半年開始，
家裡開始唔見錢，
小則100幾十蚊，
大則3000人民幣都有，
我哋已經加強防範，
貴重嘢都唔敢擺係屋企；
但人性真係好難測，
今朝小魔怪又唔見錢，
我明明朝早都見有$400係佢袋，
仲提佢擺好D錢，
點知轉頭已經唔見咗$100，
太太太過份啦!
即刻返屋企問佢，
佢仲扮傻話唔知，
仲話我有錢呀，太太，
激到我呢，
唔使講咁多，
即炒!
老公話我衝動咗，
但我條氣唔順，
成日俾佢偷錢，
又捉唔到，
冇證據又唔可以報警，
唔想夜長夢多，
驚佢又繼續偷偷偷呀!
至於小魔怪都有俾我勁駡架，
唔管理好佢自己D嘢(錢)，
隨處亂放，
簡直引人犯罪呀!
大家可以入嚟Facebook讚下我新開嘅Fans專頁呀!
啊！有無補錢比佢走？
回覆刪除要呀，連大假及一個月人工，快快送走佢呀!
刪除你算好好脾氣啦，忍咗咁多次！
回覆刪除佢主要工作係照顧奶奶，及做一般家務，買餸及煮飯都係我做，工作量唔多，好多時佢一早做哂D嘢，就坐係度講電話睇電腦，唔叫佢抹塵佢都唔會自動做呀!
刪除我之前有個朋友都係咁，個工人姐姐又偷錢，又偷首飾，仲整到個小主人 (朋友個仔) 跌親，逢左幾針，補錢即刻叫佢走，最攪笑走之前仲係咁媽叉我朋友同佢老公，都唔知邊個係僱主，邊個係工人囉
回覆刪除所以我覺得雀后冇衝動架，咁既人抵炒
刪除我果工人姐姐都係態度唔好，見人唔會叫，叫佢做嘢就"jeep jeep"聲，話佢就扮傻，激到我呢!
刪除真係忍無可忍....,下次抄低銀紙NO
回覆刪除再唔見馬上對NO.
唉，日日抄底D錢號碼唔係辦法，最好係唔好擺貴重嘢係屋企至真，等佢偷冇可偷呀!
刪除炒左佢就算啦,唔算衝動
回覆刪除衝動架，呢排我咩都唔做得，要留係屋企睇住奶奶呀!
刪除養唔熟呀！ 費時夜長夢多，要炒，不過要補錢喎。
回覆刪除炒咗佢之後我哋唔想佢返屋企執嘢，公司就搵2個印尼姐姐和姑奶一齊返屋企幫佢執行李。佢D雜物多到5個喼都唔夠用，就連鞋都有30~40對以上，仲有手提電話都有4部，ipad、衫褲鞋襪多蘿蘿，姑奶佢哋執咗個幾鐘先執完；仲發覺佢攞咗我唔少嘢，唔怪得我買返嚟嘅嘢，好多時都會唔見咗啦!原來係佢攞咗，佢連我張花花靚餐枱布都偷咗，好彩姑奶幫我留住，唔係又會俾佢攞埋走，唉，係呢段時間，佢都唔知攞咗我幾多嘢呀!
刪除家傭姐姐都是儲物狂。由於私隱問題，我只是在屋苑檢查住戶電箱時看過工人房內的情況，差不多暈低，工人房很細，很難想像她每晚如何睡在一大堆東西當中。
刪除家賊難防呀！
回覆刪除日防夜防，家賊難防呀!
刪除支持你啊! 兒子十一歲了，老公又始終唔鍾意有個外人在家，所以約滿就唔再同家傭續約喇! 都已經做咗八年，佢無記性又有啲脾氣，但勝在老實和手腳乾淨，希望佢唔好在這最後一個月做壞自己個名啦。不過我都會小心啲。
回覆刪除如果佢想繼續留係香港做嘢，應該唔會做壊自己個名，唔係就好難係度繼續做呀!
刪除早走早著
回覆刪除係，遲走瞓唔著呀!
刪除好明白你的感受，忍完一次又一次....好地地相完約都唔得，即炒補錢走，好過成日唔見錢，勞氣！
回覆刪除咪就係囉，我請咁多個工人，做得最差就係佢呀!
刪除我有朋友D姐姐都係咁...報警啦
回覆刪除老公唔想攪到咁大件事，送佢走就算囉!
刪除做得好！
回覆刪除我都覺得我咁做係明智呀!
刪除雀后：你做得對，無謂激氣。早走早著。
回覆刪除係，我驚遲走瞓唔著呀!
刪除好喇, 工人姐姐走左安樂晒,我好明白你的感受,呢d 人養唔熟, 以前我請三個都有兩個係咁.激死
回覆刪除依家D工人姐姐真係唔知點諗，咁辛苦嚟香港打工都係為錢，點解要做衰自己個名，冇得繼續留底繼續做嘢，真係唔明白呀!
刪除