今朝買餸時見到白蘿蔔個個圓碌碌，
好鬼靚呀!
就用佢嚟整柱候蘿蔔牛筋腩煲啦!
當爆緊牛腩時，
引到小魔怪即刻走入廚房問做咩咁香???
今次佢有口福喇，
材料: 牛肋條1.5磅、急凍熟牛筋1磅、蘿蔔1條、薑4片、八角1粒、
乾蔥頭1個(切片)、紹酒、熱水2碗、蔥絲、老抽1湯匙
調味: 柱候醬1湯匙、豉油1湯匙、冰糖1~2粒
做法:燒熱水放薑和紹酒，加入牛肋條出水10分鐘，
取出沖洗後，牛肋條切件；熟牛筋洗淨後切件；蘿蔔去皮切件；
凍鍋落油，落薑片、乾蔥片和柱候醬爆香，
加入牛肋條炒勻和贊紹酒(半蓋)，落調味、冰糖、八角和熱水2碗，
煮滾後轉小火慢慢炆45分鐘；落蘿蔔和熟牛筋，
炆多45分鐘或1小時(全程滾後轉最小火繼續炆)，最後加老抽調色，
食時加蔥絲裝飾便成。
(如果用普通煲炆嘅話，要落多1~2碗水和炆耐少少啦!)
(呢個餸炆定隔日食仲入味呀!)
大家可以入嚟Facebook讚下我新開嘅Fans專頁呀!
柱候醬好味，鹹香鮮一樣不缺，超級下飯。
回覆刪除係呀，我都幾鐘意柱候醬嘅味道呀!
刪除小魔怪真識食！
回覆刪除佢最鐘意就係~食!
刪除小魔怪真係有口福囉~
回覆刪除其實我煮咩佢都會食架!
刪除最近愛上牛根,好好味呀~~
回覆刪除牛筋，賣飛佛呀!
刪除我我唔多食牛,但係鍾意食牛腩.
回覆刪除牛腩有咬口，唔錯架!
刪除我阿表在FB睇到你呢個柱候蘿蔔炆牛筋腩，成晚瞓唔著呀！
回覆刪除哈哈，快D叫佢整番煲嚟食啦!
刪除作者已經移除這則留言。
刪除請問柱候醬是否前後要落兩次?一次是和葱薑開鑊， 另一次是加在調味中? 共兩匙， 對嗎?
回覆刪除噢，其實應該係一湯匙就夠味，想食濃味就落多一湯匙柱候醬呀!
刪除唔該， 謝謝呀。。
回覆刪除唔該， 謝謝呀。。
回覆刪除請問佳寶售賣的牛根是熟的牛孖嗎?溶解後要和牛肋一齐汞水嗎?
回覆刪除打算今晚炆， 明日食呀， 唔該。
佳寶牛筋係熟牛筋，唔使炆太耐架!牛筋我冇出水架，洗洗就得!
刪除