芽菜薑蔥手撕雞

今日係重陽節，

指定活動緊係登高拜山啦!

拜山用的雞，

就做咗我哋嘅晚餐啦!

材料:  冰鮮雞1隻、銀芽(芽菜)$3、薑蓉、乾蔥蓉、蔥粒

醃料: 鹽2茶匙、紹酒半湯匙

調味: 豉油1湯匙、糖半茶匙、麻油少許和蒸雞汁1匙羹

做法: 雞洗淨後用廚紙抹乾水份，落醃料搽勻雞身內外醃半日或隔夜；

隔水蒸雞25分鐘後唔好開蓋焗多5分鐘，取出待涼拆肉；

燒熱水加少許鹽，烚銀芽30秒，撈起瀝乾水份備用；

燒熱油鑊將滾油淋在薑蓉、乾蔥蓉和蔥粒面，

加入調味料攪勻，淋在芽菜雞絲面，食時將所以材料撈勻便成。 

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page