沙茶沙葛炒肉絲

平時煮開大茶飯嘅我，

突然間剩底我同老公食飯，

真係好難諗食咩餸架!

今日就整碟小炒，

有菜有肉，

簡簡單單咁啦!

材料: 沙葛1個、甘筍半條、豬肩肉絲1碗、蒜蓉、2湯匙水

醃料: 豉油1湯匙、鹽1/4茶匙、糖1茶匙、粟粉少許、麻油少許
　
調味: 沙茶醬1湯匙、鹽少許、糖少許

做法: 沙葛和甘筍去皮切絲；豬肩肉絲用醃料醃1小時；

燒熱油鑊落沙茶醬和蒜蓉爆香，加入豬肩肉絲快炒至8成熟，

落沙葛絲和甘筍絲炒勻，加鹽、糖和2湯匙水炒勻，

加鑊蓋煮至汁濃便成。

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page