南乳蓮藕豆腐卜炆豬軟骨

早早炆定煲南乳蓮藕炆豬軟骨，

咁就3號風球都唔怕使冇嘢食啦!

夜晚食時加埋豆腐卜落去一齊炆多一陣，

豆腐卜索哂D南乳汁，

嘻，

我又要添飯啦!

材料: 豬軟骨1磅、蓮藕2節、豆腐卜$10、紹酒少許、薑片、

乾蔥片、蒜蓉、南乳1大磚(搓散)

 

調味: 豉油1湯匙、冰糖2粒(中)

 

做法: 豬軟骨解凍後出水備用；蓮藕去皮切件；

 

凍鍋落油先爆香薑片、乾蔥片、蒜蓉和南乳，加豬軟骨快炒數十下，

 

贊少許紹酒後，加埋蓮藕、調味和2碗水炆豬軟骨1小時，

用中火煮滾後轉小火慢慢炆；熄火後唔好開蓋焗下佢，

食飯前翻熱後，加豆腐卜炆多15分鐘，落少許粟粉水埋茨汁便成。

(期間如發覺冇水嘅話，可以加入熱水繼續炆)

(如果用普通煲炆嘅話，要落多1~2碗水和炆耐少少啦!)

  

 
大家可以入嚟Facebook讚下我新開嘅Fans專頁呀!

 

 雀后(添飯)Facebook Fan Page