天氣凍凍哋，
食碗熱辣辣生炒臘味糯米飯，
就very good啦!
除此之外，
冬天仲有咩嘢想食呢???
材料: 糯米2杯、迷你臘腸4條、冬菇4隻(大)、蝦米3湯匙、蛋2隻、
蔥絲、清雞湯1小盒250g、鹽焗花生(適量)
調味: 老抽1.5湯匙、豉油1湯匙
做法: 糯米用熱水浸水2小時(用碟蓋好)；
蒸熟臘腸、冬菇和蝦米切粒備用；蛋打發好後煎成蛋皮切絲；
用中火燒熱易潔鑊不需落油，爆香臘腸、冬菇和蝦米後盛起；
隔去浸糯米水後，用炒過臘味嘅易潔鑊炒糯米，(全程用中細火)
盡量將糯米平舖在鑊內(讓糯米平均受熱)，不斷炒至糯米乾身，
分4次逐少加入雞湯，重覆落湯和炒糯米至熟，
加入臘味、落調味炒勻，最後灑上蛋絲、花生和蔥絲便成，
全程炒咗唔使15分鐘呀!
大家可以入嚟Facebook讚下我新開嘅Fans專頁呀!
睇到就流口水，我仲以为要炒成个钟。
回覆刪除唔使架，只要用熱水浸糯米，好快炒好架啦!
刪除仲有煲仔飯想食。
回覆刪除嘻嘻，煲仔飯，我成日食架!
刪除超足料 正呀
回覆刪除Yummy yummy!
刪除打邊爐啦
回覆刪除我都想，不過大仔食素、奶奶唔食牛，好難打得成邊爐呀!
刪除好多料喎，我有好多野想食，係咪陪我食呀！
回覆刪除我可以代佢答嗎？heheheeee....
刪除哈哈，食，我一定陪妳架!
刪除好味 ! 好味 !
回覆刪除Yummy yummy!
刪除好正呀！咁大盆要唔要我幫手 hehehe~
回覆刪除咁大盆都俾我食哂啦!
刪除一直以為生炒糯米飯要企定定炒好耐，看到你的分享，立即心思思想試炒。想請教，用熱水浸糯米是否只需用蓋蓋好，不用中途加熱水?謝謝!
回覆刪除係呀，唔使中途加熱水架!
刪除謝謝指教。請問你這份量大約炒成多少碗糯米飯?
刪除我呢度用咗2杯糯米，大約連飯連餸有4~5碗糯米飯架!
刪除謝謝!
刪除唔好意思。忘記了問2杯糯米是2個標準量杯還是2個電飯煲的量米杯?
刪除我用電飯煲量杯呀！
刪除謝謝你啊! 兒子好鍾意食糯米飯。我已買糯米和臘腸，星期一跟足你的食譜，照版煮碗。
刪除唔使客氣，希望妳仔仔鐘意食啦!
刪除你真係好有心機寫blog, 繼續努力, 加油! 我follow你架!
回覆刪除p.s. 原來糯米飯都唔係想像中咁難整
唔難架，你都試下啦!
刪除