椰菜素餃子

依家街買的素餃子成份唔清唔楚，

我都係唔懶得架喇，

今朝自己動手包咗92隻椰菜素餃子，

今日食咗36隻素餃，

其餘的放入冰箱，

明天拎去妹妹家開party呀!

大仔話呢隻係759亞信屋買嘅胡麻醬點餃子食超正呀!

材料: 餃子皮1.5斤、椰菜、冬菇、甘筍、木耳、豆腐卜、雞蛋、

粉絲、薑蓉和乾蔥蓉

調味: 素食蠔油2湯匙、鹽1.5茶匙、糖1茶匙、麻油少許和半碗水

做法: 冬菇和木耳浸軟備用；將所有材料逐一切成粒狀；

將蛋快炒切碎備用；燒熱油鑊先爆香薑蓉和乾蔥蓉，

落所有材料炒香(除雞蛋和粉絲)，加調味炒勻後，

加蓋煮至汁濃後，落雞蛋碎和粉絲炒勻後上碟，

待餡料涼後就可以包餃子啦!

想煎到個餃子底有個網咁樣，咁就要燒熱易潔pan落油，

用放入餃子大火煎1分鐘，將1湯匙麵粉加大半碗水攪勻，

倒入易潔pan內加蓋焗6-8分鐘， 待水蒸發後，

就會出現呢個脆卜卜底o架!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page