香檸煎雞扒

 

老公好鐘意自己沖檸茶飲，

 

所以屋企緊有一兩個檸檬係雪櫃；

 

但依家D檸檬真係唔平，

 

最貴試過5蚊先得1個，

 

真係要好好利用佢先得囉!
 

 

 

材料: 雞扒2塊、檸檬一個、老抽半茶匙、檸檬2片(裝飾用)、粟粉適量

 

醃料: 鹽2茶匙、紹酒半湯匙、胡椒粉適量、薑汁少許

 

蘸汁: 檸檬汁(1個檸檬)、糖1.5湯匙、2湯匙水、粟粉水少許

 

做法: 雞扒解凍後用刀將雞肉界成方格(易熟)，用醃料醃1小時；

 

凍鑊落少許油燒熱，用半茶匙老抽搽係雞皮上上色，

 

撲少許粟粉係雞扒上，有雞皮一面先落鑊煎，煎好一面先反另一面，

 

煎至兩面金黃色便可上碟；用小鍋將檸檬汁煮滾後淋在雞扒面便成。
 

 

~想知雞扒熟未，用筷子插入雞肉，插得入和冇標血水即表示雞肉熟啦!

 

~如有吉士粉，可加1茶匙混入檸檬汁，咁整出嚟色水較鮮黃，

 

好似街外賣相架!

 

~呢個雞扒，煎、焗、炸都得架!

~刨少少檸檬皮煮個汁仲正!

~酸甜度可自行加或減糖調節!

~呢個雞扒配檸檬汁、橙汁或柚子汁，任君選擇呀!
 

     

 

 

  

大家可以入嚟Facebook讚下我新開嘅Fans專頁呀!

 

 雀后(添飯)Facebook Fan Page