客家梅菜炆雞翼

惠州梅菜出哂名靚係人都知，

 

所以每次返親去，

 

我都會入貨；

 

自從母親大人食過我買嘅惠州梅菜，

 

佢話未試過咁好食，

 

仲吩咐我以後唔使買咩手信俾佢，

 

剩係每次帶幾斤梅菜俾佢就得喎!

材料: 雞翼16隻、甜梅菜1棵、薑2片、紹酒少許

 

醃料: 豉油1.5湯匙、糖、粟粉各1茶匙、麻油

 

調味: 老抽1湯匙、糖1茶匙和1碗水 

 

做法: 雞翼解凍後，用醃料1小時；梅菜浸洗15分鐘後切粒，

 

唔使落油落薑片和梅菜，炒梅菜至乾身盛起備用；

落少許油爆雞翼快炒兼贊半湯匙紹酒，加梅菜和調味炆15分鐘，

 

上碟後加蔥絲裝飾便成。

 

(今次用甜梅菜，所以用白鑊炒時冇加糖)

 

(記得要試味，唔夠味先加少許鹽調味呀!)

 

 

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page