芝士汁素牛扒撈出前一丁

大魔怪依家日日係屋企homeoffice，

所以呢排多咗煮素餐!

今次就整咗呢碟芝士汁素牛扒撈出前一丁，

嘩，

唔好講笑，

個芝士汁又真係好鬼正架!

材料: 出前一丁1包、素牛扒1塊、芝士3片、麵粉1湯匙、鮮奶1盒、

牛油適量、parsley碎適量、鹽和糖各少許

做法: 素牛扒煎香切片備用；出前一丁煮至熟後撈起(唔好過淋)；

用易潔鍋加牛油煮溶後落麵粉炒約1-2分鐘，

逐少加入鮮奶慢慢攪勻至冇粉粒(想個汁幼滑少少可用篩隔一隔)，

之後加入芝士片煮溶，加少許鹽和糖調味，

把芝士糊淋素牛扒出前一丁面，最後灑上parsley碎便成。

~呢個芝士汁可以按個人口味加多D芝士片落去煮都得架!

~我用上面果包芝士煮呢個汁架!

~唔煮素食，加雞扒、雞翼、豬扒、豬頸肉和牛扒都好食架!

 

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page