花膠雲吞雞

花膠雲吞雞，

一鍋裡有齊雞、花膠、菜、餃子和湯，

真係名副其實共冶一爐呀!

材料: 雞1隻、鱈魚膠6隻、雲南火腿適量、雲吞餃子12隻、

大紹菜1/4棵、瑤柱8粒、薑6片、水8碗

做法: 洗淨雞和薑2片後放入熱水鑊內出水5分鐘後沖水備用；

紹菜洗淨切片備用；雲腿切片後放入熱水碌一碌後撈起；

將鱈魚膠浸軟，放入熱水鍋內滾5分鐘熄火，焗至水涼後剪段；

燒熱8碗水落雞、雲南火腿、瑤柱和薑4片用中火煮滾，

轉小火慢慢滾1.5小時，用匙羹片起浮起嘅雞油，落鱈魚膠滾多30分鐘；

用另一個小鍋將雲吞餃子灼熟；將菜放入雞湯內煮至番滾後加鹽調味，

落埋雲吞餃子滾多1分鐘便成。

~鱈魚膠浸軟出水後，記得要清理鱈魚膠上鬚，硬的要剪咗佢，長就切半；

~蔬菜方面，可揀白菜、娃娃菜、小棠菜和津白都可以呀!

     

 大家可以入嚟Facebook讚下我新開嘅Fans專頁呀!

 雀后(添飯)Facebook Fan Page