韭菜菜脯薄罉

老公口痕話想食薄罉，

買齊哂所有材料先發覺原來屋企冇麵粉，

剩係得番包韓國薄餅粉，

唔理咁多，

整咗先算囉!

由於整埋俾大魔怪食，

所以冇落蝦米呀!

材料: 韭菜適量、即食菜脯粒1包、雞蛋2隻、韓國煎餅粉8湯匙、水4湯匙

調味: 胡椒粉少許

做法: 韭菜洗淨切粒；雞蛋發勻備用；

準備一個大碗，放入韓國煎餅粉、雞蛋液、水和胡椒粉慢慢攪勻至冇粉粒；

之後落韭菜粒和即食菜脯粒撈勻；

燒熱油鑊(落多少少油)，將粉漿放入鑊內煎至兩面熟透便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page