小魔怪仲有一星期就會離開香港到英國讀書，
今日我煮咗臘味香菇雞粒煲仔飯俾佢食，
佢話會好排住臘味嘅味道，
到英國應該未必食得到囉!
材料: 2杯半米、雞髀肉2塊、臘腸2條(迷你)、冬菇3隻、雲耳少許、
杞子、蔥粒
醃料: 豉油1.5湯匙、鹽半茶匙、糖1茶匙、粟粉1茶匙、薑粒、
麻油少許、紹酒少許、生油少許
調味: 煲仔飯豉油1.5湯匙、麻油少許
做法: 冬菇和雲耳浸軟去蒂切片；臘腸用熱水沖洗後切片備用；
雞髀肉解凍後去皮切粒，加醃料、冬菇和雲耳醃1小時；杞子浸洗；
洗2杯半米後浸10分鐘，將米放入LC 22cm鍋內加3杯水(量米杯)，
用中火煲約8分鐘至冒煙或差不多乾水後(即蝦眼水)，
將冬菇雲耳雞肉、臘腸和杞子平均放係飯面，用中火煮3分鐘，
即轉最細火煲多15分鐘，熄火焗10分鐘；
(期間需要將煲在煮食爐上下左右移動，使飯焦平均分佈)
最後落蔥粒和調味撈勻食得!
(煮食爐火力大飯焦就會燶D好味D架啦!)
大家可以入嚟Facebook讚下我新開嘅Fans專頁呀!
帶定ｄ食材過英國, 想食就會自己學煮,不過當然最好味都係mama煮的啦！
回覆刪除我已經買定個電飯煲俾佢，等我教佢煮幾個飯煲餸菜，咁就唔使成日出街食啦!
刪除食材唔帶喇，果邊應該都有得賣呀!
世上只有媽媽好
刪除小魔怪第一次離開我哋去咁遠讀書，做媽媽總會擔心，不過見到咁總立和生性，我都感到安慰呀!
刪除嘩！咁大煲，一定食唔晒我幫你手
回覆刪除哈哈，咁大煲我哋都食得哂呀!
刪除去到外地一定掛住媽媽煮的餸。
回覆刪除呢個一定會啦!不過佢去一年，好快會返嚟架啦!
刪除我有飯煲，佢唔使帶啦。 臘腸可以靜靜雞帶D，第時你再寄D比佢。下星期有寒流，要帶多件衫，落機會好凍。
回覆刪除我買咗個飯煲俾佢啦!呢排要日日教佢煮簡單飯餸，唔使日日出街食，好易變肥仔呀!
刪除過去幾耐呀？
回覆刪除佢去一年左右，攞個學士學位返嚟呀!
刪除雀后，一年好快過，祝您囝囝ㄧ路順風啊！
回覆刪除多謝多謝!
刪除