蒜蓉煎雞扒

一年一度洗牙嘅大日子又嚟架!

洗完牙後，

牙軟軟肯定食唔到嘢，

所以今日午餐要食得豐富少少，

蒜蓉煎雞扒配炒椰菜，

加埋煲仔飯豉油(加少少麻油)，

好滿足的午餐!

材料: 雞扒2塊、蒜蓉1湯匙

醃料: 鹽1.5茶匙、紹酒半湯匙、薑汁半湯匙、胡椒粉、老抽半茶匙(後落)

做法: 雞扒解凍後用刀將雞肉界成方格(易煎熟及易入味)；

落醃料和蒜蓉醃3小時或以上(榨薑汁時有薑蓉可以加埋落去醃肉)；

煎肉前半小時取出雞扒，加入半茶匙老抽調色，

凍鍋落1茶匙油燒熱，將帶雞皮一面先落鑊煎，煎好一面先反另一面，

煎至兩面金黃色及至雞扒熟便成(此步驟可能要重複數次)。

(想知雞扒熟未，用叉子插入雞肉，插得入和冇標血水即表示雞肉已熟!)

(唔煎用焗爐焗都得，用200度先焗雞肉15分鐘，反轉焗雞皮15分鐘就得!)

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page